Mwenge wa Uhuru Wilayani Rufiji Juni 3 - 4, 2017

• 

  Mmoja wa watumishi wa Halmashauri ya Wilaya ya Rufiji Bw: Mashaka Mfaume (wa pili kutoka kushoto) akiupokea Mwenge wa Uhuru toka kwa Mmoja wa wakimbiza Mwenge kitaifa katika viwanja vya Shule ya Msingi Umwe Juni 3, 2017.

  

  Wafanyakazi wa Halmashauri ya Wilaya ya Rufiji wakiwa kwenye mistari tayari kuupokea Mwenge wa Uhuru katika viwanja vya Shule ya Msingi Umwe Juni 3, 2017

  
  

  Mkuu wa Wilaya ya Rufiji (wa pili kutoka kushoto) Mhe: Juma A. Njwayo akitoa maelezo mafupi kuhusu kiwanda cha maziwa cha Ikwiriri kwa Kiongozi wa mbio za Mwenge wa Uhuru kitaifa Bw: Amour Hamad Amour Juni 3, 2017 katika eneo kilipojengwa kiwanda hicho

  

  Kiongozi wa mbio za Mwenge kitaifa Bw: Amour Hamad Amour akikagua chumba kimojawapo katika jengo la upasuaji kituo cha Afya Ikwiriri mnamo juni 3, 2017

  

  Mmmoja wa wananchi anayeishi na maambukizi ya UKIMWI akitoa ushuhuda jinsi dawa za ARV zinavyosaidia kurefusha maisha kwa mwenye maambukizi ya UKIMWI.

  

  Risala fupi ya ujenzi wa jengo la upasuaji kituo cha Afya ikwiriri ikisomwa kwa kiongozi wa mbio za Mwenge kitaifa mwaka 2017 katika viwanja vya kituo cha Afya Ikwiriri Juni 3, 2017

  

  Kiongozi wa mbio za Mwenge kitaifa (kushoto) akikagua na baadae kuzindua mradi wa maji wa Mbwara katika viwanja vya Shule ya Sekondari Mbwara juni 3, 2017.

  

  Kiongozi wa mbio za Mwenge (kulia) akipokea maelezo kuhusu mradi wa kilimo cha ufuta kutoka kwa mkulima mwenye shamba lisilopungua ekari 57 kijiji cha Nyamwege barabara ya kwenda Utete, mnamo Juni 3, 2017

  

  Wananchi wa Halmashauri ya Wilaya ya Rufiji wakitoa heshima kwa Mwenge wa Uhuru wakati Risala ya Utii ya wananchi kwa Rais ikisomwa katika viwanja vya Utete Sekondari Juni 3, 2017.

  

  Kiongozi wa mbio za Mwenge Kitaifa Bw: Amour Hamad Amour akitoa ujumbe wa mbio za Mwenge kwa mwaka 2017 kwa wananchi wa Halmashauri ya Wilaya ya Rufiji katika viwanja vya Shule ya Sekondari Utete Juni 3, 2017.