TAWA, FRANKFURT WAJENGA BWENI SHULE YA SEKONDARI MCHENGERWA

Posted on: December 2nd, 2025

Mamlaka ya Usimamizi wa Wanyamapori Tanzania TAWA, kwa kushirikiana na Shirika la Kimataifa la uhifadhi (Frankfurt Zoological Society) wamejenga  Bweni katika Shule ya Sekondari Mchengerwa Kata ya Ngarambe Wilayani Rufiji lililogharimu kiasi cha Shilingi milioni 252, ambalo litakuwa na uwezo wa kuchukua Wanafunzi wa kike 80, ambalo litawasaidia Wanafunzi wa kike kukaa karibu na Shule.

Bweni hilo limezinduliwa jana Novemba 2, 2025 na Mkuu wa Wilaya ya Rufiji Mhe. Luteni Kanali Fredrick Komba, katika Shule ya Sekondari Mchengerwa

Mhe. Komba aliwashukuru TAWA na Frankfurt kwa ujenzi wa Bweni hilo ambalo litawarahisishia Wanafunzi wa kike kukaa karibu na Shuleni, ili waweze kusoma kwa bidii

"nawashukuru sana kwa namna ambavyo mnaiunga mkono Serikali kwa kuboresha miundombunu mbalimbali ya maendeleo na mmeweka mahusiano mazuri na jamii" DC Komba.

Kwa upande wake, Kamishina Msaidizi Mwandamizi wa Uhifadhi TAWA, Abraham Jullu, amesema TAWA pamoja na Frankfurt, licha ya kuwa na jukumu la kuhifadhi lakini imeamua kuleta faida ya uhifadhi kwa jamii inayopakana na pori la akiba hasa katika Sekta ya elimu, ambapo kwa Kata ya Ngarambe wamejenga Bweni hilo ambalo kitahudumia Wanafunzi wengi katika Shule hiyo.