UJENZI WA ZAHANATI YA NYANDAKATUNDU

Start Date: 2022-01-03

End Date: 2022-09-30

Halmashauri ya Wilaya ya Rufiji kwa mwaka wa fedha 2021/2022 ilipeleka fedha Shilingi 50,000,000.00 katika akaunti ya Kata ya Chemchem kwa ajili ya ujenzi wa Zahanati ya Nyandakatundu ikiwa ni utekelezaji wa maelekezo ya Mh. Waziri wa nchi OR – TAMISEMI  kwenye  kitabu chake cha hotuba cha Mpango na Bajeti katika mwaka wa fedha 2021/2022.  Hata hivyo Halmashauri ya Wilaya ya Rufiji imetoa fedha Kiasi cha Shilingi milioni 300 kwa ajili ya ujenzi mpya wa Zahanati 6 ambapo Zahanati ya Nyandakatundu ni mojawapo na umaliziaji wa Zahanati 2

Ujenzi wa Zahanati ya Nyandakatundu ulianza tarehe 03.01.2022 na ulitarajiwa kukamilika mnamo tarehe 05/04/2022 Ujenzi huu unatekelezwa kwa mfumo wa “force account” na fundi aitwaye Saimon Masatu.  Kutokana na kutokuwepo kwa fundi eneo la ujenzi kwa muda mrefu, Kamati inayosimamia ujenzi ilivunja mkataba nae na kuingia mkataba na fundi Athumani Salum kuanzia tarehe 18/04/2022 hadi tarehe 20/06/2022 ambaye ameanza hatua ya kupaua na ataendelea mpaka kumalizaka kwa  ujenzi. 

Hatua inayoendelea kwa sasa ni hatua ya umaliziaji.

Mpaka sasa kiasi cha Shilingi 48,943,427.00 zimetumika, ikiwa ununuzi wa vifaa  imetumika Shilingi 44,213,427.00 na malipo ya fundi Shilingi 4,730,000.00. Bado tuna Shilingi 1,056,573.00 zinazoendelea kutumika. Nguvu za wananchi katika utekelezaji wa mradi huu ni Shilingi 5,435,000.00 kwani walijitolea eneo lenye ukubwa wa ekari 1, kununua tanki lenye ukubwa wa lita 3000 na mpira wenye urefu wa Mita 600. Pia walijitolea kusafisha eneo kabla ya kuanza utekelezaji wa mradi.   Tayari Ofisi ya Mkurugenzi mtendaji wa Halmashauri ya Wilaya ya Rufiji kupitia wataalam wa Halmashauri imeshafanya tathimini ili kuongeza fedha kwa ajili ya kukamilisha ujenzi wa zahanati hii kwa mwaka wa fedha 2022/2023.

Kukamilika kwa mradi huu kutasaidia Wananchi wa Nyandakatundu kuondokana na adha ya kutembea umbali mrefu Zaidi ya kilomita 4 kufuata huduma za Afya katika hospitali ya Wilaya ya Utete.  Pia kutapunguza sana vifo vitokanavyo na Uzazi.

Changamoto kubwa iliyojitokeza ni kutokuwepo kwa fundi kwa muda mrefu hivyo kuchelewa kwa muda wa utekelezaji.  Utatuzi umefanyika kwa kuingia mkataba na fundi mwingine kama ilivyoelezwa hapo juu.