TAARIFA YA MRADI WA UJENZI WA VYUMBA 04 VYA MADARASA NA OFISI 02 SHULE YA MSINGI NYAKIPANDE

Start Date: 2022-01-26

End Date: 2022-04-26

 KWA WATAALAM KUTOKA OR - TAMISEMI TAREHE 16.05.2022 

Mkurugenzi Mtendaji wa Halmshauri ya Wilaya ya Rufiji kwa  mwaka wa Fedha 2021/2022 alitoa kiasi cha shilingi 80,000,000.00  kwa ajili ya ujenzi wa vyumba 04 vya madarasa na Ofisi 02 kwa shule ya msingi Nyakipande. Katika kukabili tatizo  la wanafunzi kusomea chini ya Mikorosho iliyopo katika eneo la Shule ili mlazimu Mkurugenzi kufanya maamuzi ya haraka kupitia Fedha za mapato ya ndani.

Shule ilipokea fedha kiasi cha Shilingi. 80,000,000.00 kwa ajili ya utekelezaji wa mradi  tarehe 26/01/2022. Ujenzi ulianza 15/02/2022 na kukamilika 26/04/2022. Mradi umetekelezwa kwa mfumo wa “Force Account,” na Fundi aliyejenga ni Ulomo Group. Mradi umetumia kiasi cha shilingi 78,374,545.00 ikiwa Shilingi 12,000,000.00 ni malipo ya fundi na Shilingi 66,374,545.00 ni kwa ajili ya manunuzi ya vifaa vya ujenzi na salio likiwa shilingi 1,625,455.00.

Kukamilika kwa ujenzi kumesaidia kuondoa upungufu wa vyumba vya madarasa katika Shule ya Msingi Nyakipande, hivyo kuondoa tatizo la msongamano wa wanafunzi darasani na kuondoa tatizo la wanafunzi kusomea chini ya mikorosho.

Changamoto kubwa iliyojitokeza wakati wa utekelezaji wa mradi ni kupanda kwa bei ya vifaa vya ujezi. Aidha, kamati ya ujenzi kwa kushirikiana na wataalam wa kutoka Halmashauri walifanya manunuzi kwa kutumia nukuu za bei kutoka wazabuni wenye bei chini kulingana na bajeti iliyopo.

Tunamshukuru sana Muheshimiwa Rais Samia Suluhu Hassani kupitia Mkurugenzi Mtendaji wa Halmashauri ya Wilaya ya Rufiji kwa kutupatia fedha zilizowezesha ujenzi wa vyumba 4 vya madarasa na ofisi ambavyo vimebadilisha taswira nzima ya Shule yetu na kuonekana mpya.

Tunawashukuru pia Wataalam kuoka OR _ TAMISEMI kwani ujioa wenu umetoa faraja kwetu ya kuendelea kuchapa kazi na Kuunga Mkono kauli mbiu ya Rais wa Jamhuri ya Muungano wa Tanzania Mama yetu Samia Suluhu Hassan isemayo ‘Nawasalimu kwa jina la Jamhuri ya Muungano wa Tanzania, Kazi iendelee’.