WAZAZI WAPONGEZWA KUANZA UTEKELEZAJI WA WATOTO KUPATA CHAKULA SHULENI

Posted on: January 20th, 2023

Katibu Tawala Wilaya ya Rufiji Bi. Maria Katemana ametoa pongezi kwa Wazazi wa shule ya Sekondari nyamwage pamoja na shule ya Sekondari Umwe kwa kuanza mchakato wa utekelezaji wa maelekezo ya Watoto kula chakula shuleni ili kuimarisha ari ya usikivu Shuleni.

Ametoa pongezi hizo januari 20.2023 wakati wa ziara ya Kamati ya ulinzi na usalama pamoja na wataalamu wa Halmashauri kufuatilia utekelezaji wa maelekezo ya Mkuu wa Wilaya pamoja na maazimio ya wadau wa elimu yaliyofikiwa katika kikao cha tathmini ya matokeo cha tarehe 12 januari 2023.

Sanjari na pongezi hizo DAS Katemana amewataka Wazazi kuhamasisha Wazazi ambao bado hawajapeleka Watoto wao shuleni hususani kidato cha kwanza na cha pili wanaotakiwa kurudia kwani kuchelewa kwao kutapelekea kuchelewa masomo na kutofanya vizuri katika mitihani.

Sambamba na ufuatiliaji Kamati imekagua miradi mbalimbali inayotekelezwa kwa fedha za mapato ya ndani pamoja na Serikali Kuu katika shule ya Mpya ya Wasichana ya Mkoa Bibi Titi Mohamed, Shule ya sekondari Nyamwage, shule ya sekondari umwe, Kazamoyo , Ikwiriri , Mkongo pamoja na Ujamaa.