WAVUNA ,MAGOGO WATAKIWA KUFUATA SHERIA

Posted on: August 14th, 2022

Mkuu Wa Wilaya ya Rufiji Meja Edward Gowele amewataka Wanaushirika wanaojishughulisha na shughuli za Useremala kuhakikisha Wanavuna magogo kwa kuzingatia utaratibu wa kisheria na kusisitiza kuwa kamwe hatomfumbia macho mtu atakayekiuka Sheria zilizowekwa na Serikali.

Gowele ameyasema hayo katika kikao na Wanaushirika hao waliopo eneo la Mkongoni Kata ya Umwe Wilayani Rufiji baada ya Wanaushirika hao kumuomba azungumze nao ili wapunguziwe baadhi ya Masharti yanayopelekea kuingia kwenye makosa ya kisheria.

Aidha Meja Gowele amemuagiza Meneja wa Wakala wa Misitu (TFS ) Rufiji kuhakikisha wanakaa na wadau hao ili kuona namna bora ya kuwawezesha wajasiriamali hao.