WATENDAJI WATAKIWA KUTEKELEZA MATAKWA YA MKATABA WA LISHE.

Posted on: October 30th, 2022

Mkuu wa Wilaya ya Rufiji Meja Edward Gowele amewataka watendaji wa Kata za Halmashauri ya Wilaya ya Rufiji kuhakikisha wanatekeleza matakwa ya Mkataba wa Lishe ili kufikia malengo ya Serikali ya kuhakikisha Wananchi wote wanakuwa na lishe bora.

Meja Gowele emesisitiza hayo Leo Oktoba 30. 2022 wakati wa kikao Cha tathmini ya Mkataba wa Lishe Robo ya kwanza Julai - Septemba kilichokwenda sambamba na utiaji Saini wa mkataba mpya wa Lishe .

" Mhe. Rais anafanya kazi kubwa kuhakikisha Wananchi wanapata Lishe bora. Ni lazima kama wasimamizi kwenye Kata zetu tukahakikishe watoto wanakula shuleni. Tuhamasishe Wananchi kutumia chumvi yenye madini joto na tuwaoneshe madhara ya kutozingatia lishe bora." Alisema

Kwa upande wake Mkurugenzi mtendaji wa Halmashauri ya Wilaya ya Rufiji John Kayombo amesema tayari halmashauri imepeleka fedha zote kwa mujibu wa matakwa ya kimkataba na kusisitiza Kwa watendaji kuzingatia mkataba.