WASIMAMIZI WASAIDIZI WA UCHAGUZI NGAZI YA KATA RUFIJI WAANZA MAFUNZO RASMI

Posted on: August 4th, 2025

Wasimamizi wasaidizi wa Uchaguzi  ngazi ya Kata Jimbo la Rufiji wameanza rasmi mafunzo  leo Agosti 4, 2025 katika Ukumbi wa Mikutano wa  Halmashauri ya Mji Rufiji huku wakila kiapo Cha kutunza Siri pamoja na tamko la kujitoa katika chama Cha Siasa.

Akitoa maelekezo baada ya zoezi la kiapo Msimamizi wa Uchaguzi Jimbo la Rufiji Bw. Sebastian Gaganija amewataka wasimamizi hao  wa Tume kufanya kazi kwa kuzingatia viapo vyao huku akionya swala la kufanya kazi kwa mazoea badala yake kujikita kusoma na kuelewa miongozo iliyotolewa na Tume Huru ya Taifa ya Uchaguzi.

"Someni kwa umakini Katiba, Sheria, Kanuni, miongozo na maelekezo mbalimbali yaliyotolewa na yatakayotolewa na Tume na ulizeni ili mpate kufafanuliwa kwenye maeneo ambayo kwa namna moja au nyingine pengine yatakuwa na changamoto za kufahamu ili kuwarahisishia katika utekelezaji wenu wa kazi za uchaguzi." Alisistiza Gaganiga

Awali akitoa msisitizo kabla ya kuwaapisha Wasimamizi hao, Hakimu Mkazi Mfawidhi wa Mahakama ya Wilaya ya Rufiji Bi. Flora Mujaya amewataka kuzingatia viapo hvyo ili kuepuka uwajibishwaji utaotokana na ukiulwaji wa viapo hivyo.

Mafunzo hayo kwa Wasimamizi Wasaidizi wa Uchaguzi ngazi ya Kata yanatarajiwa kutamatika Agosti 6, 2025