WANARUFIJI NAOMBA TUSHIKAMANE MAMBO MAZURI YANAKUJA

Posted on: September 27th, 2020

 Mh. Patrick K. Sawala Mkuu wa Wilaya ya Rufiji akiwa katika bonanza la michezo katika viwanja vya Ujamaa Ikwiriri. Bonanza hilo ni la pili baada ya baada ya bonanza la kwanza kufanyikia Utete makao makuu ya Wilaya ya Rufiji likiwa na lengo la kuwaunganisha Wananrufiji kushirikiana na kuwa kitu kimoja katika Kuleta maendeleo.
Akizungumza na maelfu ya Wananchi, Mkuu wa Wilaya amewataka Wananchi wa Ikwiriri kutambua thamani ya Umoja na Upendo na kuwa maamuzi ya amani yanaletwa na Wanarufiji wenyewe na tunu ya amani ni maendeleo." Sisi ndio tutakao leta amani na Sisi ndio tutakaoivuruga amani yetu. Tusikubali mtu mwingine atuharibie amani yetu na tukimbaini tumuondoe Mara moja." Alisema.
Sambamba na hilo amewasisitiza Wananchi kuwa na mawazo yenye kuona na kutambua jitihada na maendeleo katika jamii zao badala ya kuwa na fikra za kibaguzi kwa kujali makabila, rangi au vyama vyao. " Tunapoelekea Uchaguzi Mkuu nawasisitiza chagueni viongozi watakaotuletea maendeleo bila kujali makabila yao, rangi zao au vyama vyao. Maendeleo ya Rufiji yanaletwa na uamuzi wetu. Wote tunaziona jitihada hivyo maamuzi ni yetu." Alisema.
Aidha amemshukuru Katibu Tawala Bi. Maria Katemana pamoja na Mkurugenzi Mtendaji Ndg. Rashidi Salum Salum pamoja na Watendaji wote wa Halmashauri kwa Ushirikiano mzuri wanaotoa katika kufanikisha maswala ya kimaendeleo kwa Wananchi.