WANANCHI WATAKIWA KUSHIRIKI KWENYE MIRADI

Posted on: August 15th, 2022

Na Emmanuel Kapandila - Rufiji

Mratibu wa TASAF Mkoa wa Pwani Bi. Roseliwe Kimaro  amezitaka kamati za ujenzi pamoja na Wananchi kuhakikisha Wanashiriki Ujenzi wa Miradi ya maendeleo kuanzia mwanzo wa mradi hadi unapokamilika.

Ameyasema hayo jana wakati akitembelea miradi ya maendeleo inayotekelezwa kwa fedha za Mfuko wa Maendeleo TASAF katika kata ya Utete pamoja na Mgomba Wilayani Rufiji.

Bi. Roseliwe ameipongeza Halmashauri ya Wilaya ya Rufiji kwa namna inavyoshirikisha Wananchi pamoja na Kamati za Ujenzi jambo lililopelekea kufanikisha utekelezaji wa mradi wa soko la Utete pamoja na Ujenzi wa Shule ya Sekondari Mama Samia. 

" Serikali inaleta miradi ya miundombinu kwa Wananchi ili iweze kusaidia wananchi wa eneo husika. niipongezde Halmashauri pamoja na kamati za ujenzi kwa namna mnavyoshirikiana na kuelezea miradi kama timu moja." alisema Mratibu wa TASAF Mkoa.

Katika ziara hiyo aliambatana na Maafisa toka Mkoani, Afisa maendeleo ya jamii Wilaya ya Rufiji pamoja na Kaimu Mratibu wa TASAF Wilaya ya Rufiji.