WANAFUNZI BIBI TITI SEKONDARI WATAKIWA KULIPA HADHI JINA LA BIBI TITI MOHAMED

Posted on: February 28th, 2025

Mkuu wa Wilaya ya Rufiji Mhe. Luteni Kanali Fredrick Komba, amewataka Wanafunzi wa Shule maalumu ya Sekondari ya Wasichana Bibi Titi Mohamed wanaohitimu elimu ya Kidato cha Sita 2025 kujitoa Katika Kusoma kwa bidii ili kuhakikisha ufahulu unaendana na hadhi ya jina la Mwanaharakati na Mbunge wa Kwanza wa Rufiji Bibi Titi Mohamed, huku akitoa wito kwa Wahitimu wengine wa Kidato Cha Sita kuleta ufaulu ambao utaipa hadhi Rufiji.

"naamini mtakapoenda kufanya mitihani mtaweka Viwango vya ufaulu ambavyo vinaakisi hadhi ya Bibi Titi Mohamed. hii Shule ya Bibi Titi Mohamed imepewa jina kubwa la Mwanaharakati ambaye anahistoria kubwa Katika Taifa letu.

Ukiangalia Mazingira yake na majengo yake yanaakisi hadhi ya Bibi Titi Mohamed naamini hata Viwango vya elimu vinavyotolewa hapa vinaakisi hadhi ya Bibi Titi Mohamed".

Mhe. Komba aliyasema hayo wakati akihutubia Katika Mahafali ya kwanza ya  Kitado Cha Sita 2025 ya Shule ya Sekondari Bibi Titi Mohamed yaliyofanyika jana Februari 28, 2025 Katika Bwalo la Shule hiyo.

DC aliongeza kuwa, Serikali ya Rais Samia Suluhu Hassan imehakikisha miundombinu ya elimu inakuwa rafiki Katika kuwawezesha Wanafunzi watimize ndoto zao.

"Serikali inajua na inafahamu umuhimu wa Shule hii ndio maana imewekeza fedha nyingi na kuhakikisha inakuwa na Mazingira bora" aliongeza DC.

Kwa upande wake Diwani wa Kata ya Chemchem Ally Manganje alitoa Shukrani kwa Rais Samia Suluhu Hassan kwa ujenzi wa Shule za Sekondari Katika Kata yake huku alisema kuwa wakati anaingia Mwaka 2010 hakukuwa na Shule ya Sekondari katika Kata yake.

"wakati Kata hii tunaianzisha hakukuwa na Shule hata Moja ya Sekondari, lakini mpaka sasa tuna Shule za Sekondari Tatu. Ndugu Mgeni Rasmi hii ni hatua kubwa ambayo tumepiga" alisema Manganje.