WAMILIKI WA VYOMBO VYA USAFIRI MAJINI WATAKIWA KUZINGATIA SHERIA

Posted on: February 24th, 2022

Hayo yamesemwa Jana  februari 24.2022katika Ukumbi wa mazingira (REMP) wa Halmashauri ya Wilaya ya Rufiji wakati wa Mafunzo kwa Wamiliki wa Vyombo vya usafirishaji majini na Wataalamu wa Halmashauri idara ya Mifugo na Uvuvi pamoja na Kamati ya Usalama ya Wilaya yaliyotolewa na Shhirika la Uwakala wa Meli Tanzania (TASAC).
Akifunga Mafunzo hayo kwa niaba ya Mkuu wa Wilaya ya Rufiji, Kaimu Katibu Tawala ambaye pia ni Afisa Tawala wa Wilaya ya Rufiji Salum Gumbo amewataka Wamiliki na watumiaji kuhakikisha wanafuata Sheria za matumizi ya Vyombo hivyo ikiwemo usajili, pamoja na matumizi ya vifaa vya kiusalama ili kuepuka madhara ya ajali za majini yanayoweza kupoteza maisha ya Watu .
" Uzingatiaji wa Mafunzo haya utaleta usalama kwa raia na Mali zitakazokuwa zinasafirshwa majini na hatimaye kuchangia Vizuri katika ukusanyaji wamapato." Alisema Gumbo.
Gumbo ameishukuru TASAC kwa kuona umuhimu wa kutoa Mafunzo ya kujenga uelewa wa pamoja kwa Wamiliki wa Vyombo hivyo kwani elimu hiyo itachangia kwa kiasi kikubwa katika kuboresha huduma, uwajibikaji , usalama na hatimaye kuleta tija inayokusudiwa na Serikali.
Kwa upande wake Mwanansheria toka TASAC Wakili Devotha  Mandanda ametoa msisitizo kwa Wamiliki wa Vyombo vya majini kuhakikisha wanazingatia umahiri kwa waongoza Vyombo na kuacha kuajiri waongoza Vyombo wasio na taaluma mahususi kwa kazi hiyo." Kuajiri mtu asiyekuwa na Cheri Cha umahiri kwenye uongozaji wa Vyombo vya majini ni kosa kisheria kwa mmiliki wa chombo na mwongozaji wa chombo." Alifafanua Wakili Devotha.
Sanjari na hilo amewataka wamili na watumia Vyombo vya majini kutoa taarifa za Changamoto za majini kwa TASAC ili zipatiwe ufunbuzi kwa wakati.
Kwa upande wake Kaimu Mkurugenzi wa Halmashauri ya Wilaya ya Rufiji Sebastian Gaganiga ametoa pongezi kwa shirika hilo na kuahidi kutoa ushirikiano wa kiutendaji ili kuleta ufanisi na kupata matokea chanya kiuhuduma na kiuchumi.