WALIOPISHA UWEKEZAJI RUFIJI WALIPWA FIDIA ZA0

Posted on: July 8th, 2022

Wananchi wa vijiji viwili nyandakatundu na utunge Rufiji Mkoani Pwani waliokubali kupisha uwekezaji wa kiwanda cha sukari kinachotarajiwa kukamilika kwake kuzalisha tani lakimoja kwa mwaka katika kukabiliana na uhaba wa upatikanaji wa sukari nchini wamelipwa fidia zao zaidi ya shilingi milioni 100 zilizotolewa na mwekezaji.

Wakizungumza katika zoezi la ulipwaji wa fidia hizo baada ya wananchi kukubali kupisha uwekezaji huo katika maeneo waliyokuwa wakishughulika na kilimo na makazi wamesema “ tumejiandaa kuungana na wenzetu kufanya kazi pamoja na tutaunga mkono uwekezaji huu.” Alisema halfani habib mkazi wa rufiji..

Naye Mwenyekiti wa kitongoji cha Nyanda katundu ametoa shukrani kwa Serikali kuhamasisha uwekezaji na kuwa uwekezaji huo utatoa fursa kwa wakazi wa Rufiji hasusani katika Nyanja za ajira na uboreshaji kwa baadhi ya huduma za jamii hata hivyo ameongeza kuwa zoezi hilo la upokeaji wa fidia lmefuata njia zote za kisheria na kukubaliwa na Wananchi.

Meneja wa mradi uwekezaji kilimo cha miwa na ujenzi wa kiwanda cha sukari Lake Agro Co. ltd Nassor Abuubakari amezungumzia uwekezaji huo na utekelezaji wa malipo ya fidia ya wananchi waliopisha uwekezaji huo amesema “ kwanza tunamshukuru Mhe. Rais kwa kutengeneza mazingira mazuri ya uwekezaji, tayari shughuli za uwekezaji zimesha anza kwa kujenga miundombinu ambapo uzalishaji huu unategemea kutoa ajira kwa watu takribani elfu kumi; Malipo yamefanywa kwa mujibu wa sharia kupitia wataalamu wa aridhi ambapo takribani milioni 100 zimetolewa kama fidia kwa Wananchi.”

Mkuu wa Wilaya ya Rufiji Meja Edward Gowelle amesema eneo lililochukuliwa ni hekta elfu15 baada ya kufanyiwa uthamini na wataalamu wa ardhi na wananchi kulipwa fidia zao, “Namshukuru Mhe. Rais kwa kazi kubwa anayoifanya ya kutuletea wawekezaji ndani nan je ya Nchi, leo tunashuhudia wawekezaji wakitoa fidia kwa Wananchi kwaajili ya uwekezaji wa Kiwanda cha Sukari pamoja na mashamba ya miwa. Jumla eneo ambalo limechukuliwa ni hekta elfu 15. Uwekezaji huu utatoa ajira za kutosha na kuongeza mapato kwa Serikali na uboreshaji wa huduma za Kijamii.”