WALIMU WA KEMIA NA BAIOLOJIA RUFIJI WAJENGEWA UWEZO

Posted on: March 5th, 2022

Walimu wa masomo ya Kemia na Biolojia wamepatiwa mafunzo juu ya uandaaji wa masomo hayo kwa vitendo ili kuwawezesha Wanafunzi kupata majibu sahihi.
Mafunzo hayo ya siku mbili yametolewa Machi 04 - 05 ,2022 katika Maabara za Sayansi Shule ya Sekondari Ikwiriri .
Awali akifungua mafunzo hayo kwa niaba ya Mkurugenzi Mtendaji, Afisa Elimu Sekondari Bi. Zainab Abdallah amesema mafunzo hayo ni muendelezo wa utaratibu wa Mafunzo kazini kwa Watumishi walimu wa idara hiyo ili kuongeza ufanisi katika uwezeshaji unaoendana na mabadiliko ya Sanyansi na Tekinolojia unaowawezesha walimu kuhakikisha lengo mahususi pamoja na malengo ya jumla ya kimtaala yanafikiwa.
" Halmashauri kupitia idara ya Elimu Sekondari inaendelea kutekeleza mpango wake wa kuhakikisha walimu wanawawezesha Wanafunzi kufikia malengo kwa kupata elimu bora. Hvyo Tumeshirikiana na Wenzetu wa Kibaha ambao ni Waratibu wa Mafunzo Mkoa wa Pwani kwa masomo haya. Hivyo hii ni Kama INSERT." alisema Bi. Zainab
Akizungumza wakati wa kufunga Mafunzo hayo Afisa Elimu Taaluma Florian Bwikizo amewataka Walimu hao kuhakikisha wanatumia maarifa mapya waliyoyapata ili kutimiza lengo la Serikali la kuhakikisha kila Mtoto anapatiwa Elimu iliyokuwa bora." Ni matumaini yangu kuwa kupitia Mafunzo hayo zile Changamoto tulizokuwa tunakutananazo wakati wa uandaaji zimepata ufumbizi. Twendeni tukatekeleze hayo kwa uadilifu." Alisema.
Mariam Mjanakheri Mwalimu wa Taaluma na Mwalimu wa SoMo la Baiolojia shule ya Sekondari Utete ameishukuru Serikali kupitia Halmashauri ya Wilaya ya Rufiji kwa kutekeleza utoaji wa Mafunzo Kazini kwa walimu kwani hiyo imekuwa ikiwaajengea umahiri Mkubwa na kuleta ufanisi katika Utekelezaji wa Mtaala.
Mafunzo hayo yameongozwa na Mwl. Josia Mwakitalima - ( Chemistry) toka Kibaha pamoja na Mwl. Mohamed Amir ( Biolojia) toka Kibaha ambao pia ni Wakufunzi wa Mkoa wa Pwani kwa masomo hayo.