WAKULIMA WAVAMIZI WATAKIWA KUHESHIMU NA KUONDOKA NAENEO YA MALISHO

Posted on: October 4th, 2021

Mkuu wa Wilaya ya Rufiji Meja Edward Gowele amewataka Wakulima waliovamia eneo la Malisho lililopo katika Kitongoji Cha Shauri Moyo, Kijiji Cha Nyamwage, kuacha kuendelea na shughuli za ukataji wa miti, na ugawaji wa maeneo bila kuhusisha Viongozi wa eneo hilo, na kusisitiza kuwa kufanya hivyo ni kinyume Cha Sheria.

Aidha amewataka Wakulima hao Wachache waliojiundia Kikundi na kufanya maamuzi Yao bila kufata maelekezo ya Viongozi wa Kijiji na Kitongoji kuvunja Kikundi hicho na kuwa kuendelea kufanya hivyo ni kinyume Cha Sheria.

Aidha ameonya Viongozi na Wananchi kujihusisha na Vitendo vya Rushwa huku akimtaka Kamanda wa TAKUKURU Rufiji kufanya uchunguzi wa mwenendo wa Vitendo vya Rushwa katika uhudumiaji wa Wakulima na Wafugaji katika eneo hilo.
Akijibu kero ya Wananchi kutosikilizwa na Viongozi wao, Gowele amewataka Viongozi Kusikiliza Wananchi na kushughulikia kero zao na kuacha tabia ya kudhharau malalamiko Yao. " Tupo kwaajili ya Wananchi, Tuwasikilize." Alisema.