WAFUGAJI WATII AMRI YA MH. SAWALA

Posted on: August 28th, 2020

Ni siku ya ijumaa tar 28/08/2020 katika Ukumbi wa Serengeti mahali amabapo umefanyika Mkutano Mkubwa uliokusanya wafugaji takribani 120 kutoka Rufiji na Washirika wenzao kutoka kibiti, miongoni mwao kukiwa na mfugaji wa kike mmoja tu, huku jemedari wao akiwa ni Mwenyekiti wa Chama cha Wafugaji Asilia Rufiji Ndg. Deus Naki. Akisoma taarifa fupi ya chama hicho katibu wa chama ameeleza kuwa mpaka sasa chama kinawafugaji 262 na changamoto zinazowakabili wafugaji hao ni pamoja na kukosekana kwa njia mahususi za malisho, upungufu wa majosho, ongezeko la idadi ya Mifugo na Watu hasa kuanzia mwaka 2005 – 2009 ambapo kulikuwa na ng’ombe 72530, Mbuzi 13130 pamoja na kondoo. katibu huyo aliendelea kusema kuwa ongezeko la migogoro lilikithiri mnamo mwaka 2012 ambapo ulitokea uharibifu mkubwa wa Mali, na Mifugo na serikali iliamua kutenga upya maeneo kutatua migogoro ingawa bado maeneo hayo hayakukidhi mahitaji kutokana na kutotimia kwa kiwango cha ukubwa wa maeneo kadri ilivyokubaliwa hapo awali. Baadae katibu  alisoma mapendekezo ya kuboresha changamoto hizo ambazo ni Kuanzishwa kwa Mkakati mahususi wa kuwa na kamati itakayoshughulikia migogoro ya wakulima na wafugaji, kufanya sensa ya wafugaji na mifugo yao, kuwekwa na kutambulika kwa njia maalum za kupitisha mifugo, Usajili wa Wafugaji na Mifugo yao.

Aidha kwa niaba ya Chama katibu ameeleza kuwa amepata taarifa ya kitendo cha ubakaji kinachosadikika kufanywa na mtu wa jamii ya wafugaji na ametoa tamko kuwa “ Sisi kama Wafugaji tunalaani vikali na tutatoa ushirikiano ili kumbaini aliyefanya kitendo cha kinyama cha ubakaji na tunaahidi kwenda kumuona mama aliyefanyiwa kitendo hicho.”

Baada ya taarifa hiyo Mh. sawala alitoa nafasi kwa watendaji na maafisa mifugo waliohudhuria mkutano huo ambapo waliwaagiza wafugaji kuchagua mwenyekiti wa wafugaji kutoka kila kijiji agizo ambalo liliwekewa mkazo na Mkuu wa Wilaya.

Akipokea taarifa hiyo Mh. Sawala amewapongeza viongozi wa  Wafugaji kwa kuandaa na kusoma taarifa nzuri iliyojitosheleza. AIdha amejibu changamoto zote  hususani za aridhi na kuwaagiza wafugaji kuwaheshimu wakulima kwani changamoto za maeneo ya malisho na njia za mifugo zimefika mwisho “ kama alivyosema waziri kuwa atatuma timu yake kuja kupitia upya mpango wa matumizi bora ya ardhi, kwa sasa tuheshimiane ili tuishi kwa Amani. Mimi sitamuonea mtu, nitatenda haki kwa watu wote, mnatakiwa kuwaadhibu vijana wenu wanaolisha mifugo kwenye mashamba ya watu tena mnialike wakati mnatoa adhabu namimi nitakuja. Wote tunategemeana kinachotakiwa ni kuheshimiana, na tukifanya hivyo hakuna tena migogoro.” Alisema.