WAFUGAJI WATAKIWA KUKAA KWENYE MAENEO YAO YALIYOTENGWA NA SERIKALI

Posted on: February 9th, 2024

“Sitarajii kusikia Mkulima yupo kwenye maeneo ya Mfugaji na Mfugaji yupo kwenye maeneo ya Mkulima. Wilaya hii tumetenga hekta 56,000 Kwaajili ya malisho, katika maeneo hayo tumeanza kutekeleza mradi wa ranchi ndogo, Wafugaji mnajua. ni lazima sasa kila mmoja akae kwenye eneo lake”.

“Mimeunda vikosikazi vinne, kimoja kitakuwa ukanda wa Mwaseni, Ikwiriri, Muhoro na Utete vyombo  vya ulinzi na usalama vitaingia humo, tutahakikisha Wakulima mnalima, Wafugaji  wanaondoka”

Sehemu ya hotuba ya Mkuu wa Wilaya ya Rufiji Mhe. Meja Edward Gowele wakati akizungumza katika mkutano wa Wakulima na Wafugaji, uliofanyika katika uwanja wa ofisi ya kata ya Umwe-Ikwiriri leo 9, 2024.

Pia Gowele amewataka Wakulima wanaolima katika maeneo yaliyotengwa kwa ajili ya ufugaji wanatoke katika maeneo hayo ili kuondoa migogoro ya Wakulima na Wafugaji.

Mbali na hayo Mheshimiwa Gowele amekemea tabia ya Wanafunzi kufanyabiashara wakati wa masomo huku akiendelea kusisitiza kupeleka watoto shuleni.