WAFUGAJI WALIOKAIDI AMRI WASAKWA MASHAMBANI

Posted on: September 12th, 2020

 Mkuu wa Wilaya ya Rufiji Mh. Luteni Kanali Patrick Sawala, Katibu Tawala Bi. Maria Katemana,Mkurugenzi Mtendaji pamoja na kamati ya Ulinzi na Usalama Wilaya, Wajumbe, Mwenyekiti wa Kijiji cha Kilimani, Viongozi wa Wakulima na viongozi wa  Wafugaji wa kijiji cha Kilimani, Kaimu Afisa Aridhi, Afisa Mifugo, Afisa Kilimo Wilaya na kijiji pamoja na Afisa Tarafa kwa pamoja wamefanya Msako wa Wafugaji ambao wamekaidi kutii agizo la Mkuu wa Wilaya  la kuhama katika maeneo ya Mashamba ya Wakulima na kuhamia maeneo waliyopangiwa. Aidha wafugaji hao wametakiwa kwenda katika eneo la kichangachui huku wakisubiri eneo watakalopangiwa siku ya jumatatu tar.14/09/2020. Makambi yote yaliyokuwa mashambani yameteketezwa .

 Akizungumza na Timu hiyo mara baada ya Msako Mkuu wa Wilaya ameagiza Viongozi kusimamia makubaliano ili kuondoa migorogoro hiyo. amesisitiza kuwa wafugaji waliokuwa wanadhani anatania wajue kuwa wakirudi kinyemelea hatawaonea huruma badala yake atawafukuza moja kwa moja.

 Akizungumza katika msako huo ndg. Rangi Mkanda Mwenyekiti wa Wafugaji amewasisitiza wafugaji wote kutii amri ya serikali na kusubiri kupangiwa eneo ili kumaliza kabisa migogoro ya wakulima na wafugaji." Naomba niwaambie wafugaji wenzangu tutii amri kwani tumekosea wenyewe kujenga makambi kwenye mashamba ya wakulima na kuwazuia wasifanye shughuli zao wakati wamewekeza mazao hasa mikorosho yao. Mimi nimegundua nia njema ya Serikali kwani haijatufukuza bali imetutengea eneo ambalo kwetu litatusaidia pia wakati tunasubiri eneo la kudumu. Jana usiku nimehamisha makambi yangu nawaomba na wenzangu mliohamisha msirudi tena mashambani".