WAFANYA BIASHARA UTETE WATOA SH. 1,050,000/= KUCHANGIA ZOEZI LA MADAWATI

Posted on: September 11th, 2020

Wafanyabiashara wa Utete wamekabidhi fedha kiasi cha shilingi  milioni moja na elfu hamsini leo  tar 11/9/2020 majira ya saa kumi na nusu jioni katika ukumbi mdogo wa Halmashauri ya Wilaya ya Rufiji. Akizungumza baada ya kukabidhi fedha hizo kwa niaba ya Wafanya biashara Ndg. Jamal Rwambo amesema wamefanya hivyo kutokana na kuguswa na jitihada za Serikali pamoja na jitihada binafsi za Mkuu wa Wilaya pamoja na Mkurugenzi ambazo kwa muda mfupi zimeleta mabadiliko makubwa. Aliongeza kuwa wafanyabiashara wapo tayari kumfichua mtu yeyote atakayekuwa anarudisha maendeleo ya Rufiji nyuma ili kuhakikisha wanashiriki kikamilifu na kuchangia kwa kiasi kikubwa katika kuijenga Rufiji mpya.Akizungumza katika Mkutano huo wa makabidhiano Mkurugenzi Mtendaji Ndg, Rashid Salum ameahidi kufanyia kazi Mambo yote yaliyochini yake ambayo yameombwa na wafanyabiashara hao.Pia Katibu Tawala Bi. Maria Katemana amewashauri Wafanyabiashara hao kutumia fursa zilizopo hasa kujenga kumbi kubwa , hoteli zenye hadhi, na Mapambo yanayoweza kutumika kwa Matukio makubwa kwani mpaka Sasa huduma hizo zinapatikana zaidi Dar es salaam. Akifunga Mkutano huo, Mkuu wa Wilaya Mh. Sawala amekabidhi Fedha kwa Mkurugenzi na kumsisitiza kuwa ndani ya siku kumi madawati takribani 20 yawe yametengenezwa na yakabidhiwe kwa Shule za Msingi au Sekondari za Utete kulingana na Mahitaji. Amesisitiza kuwa siku ya kukabidhi ni Muhimu Wafanyabiashara hao washiriki kukabidhi ili waone kazi ya Mchango wao.