WABADHILIFU WA DAWA HOSPITALINI WAKAMATWA

Posted on: October 21st, 2021

Mkuu  wa Wilaya ya Rufiji Meja Edward Gowele, leo Oktoba 21.2021 amepokea Dawa zenye thamani ya shilingi Milioni tano zilizokuwa zimeibwa na baadhi ya Viongozi  wa Kituo Cha Afya Ikwiriri kwa kushirikiana na Mzabuni Ian pharmacy Limited ambaye alikuwa akitoa huduma hiyo

" Baada ya kupokea malalamiko mengi ya ukosefu wa dawa katika Vituo vyetu vya kutolea huduma za Afya kupitia Makamanda wetu wa TAKUKURU walianza kufanyia kazi tatizo na kubaini ubadhilifu Mkubwa unaofanywa na Wataalamu wetu wasio waaminifu". Alisema

Aidha ametoa onyo kwa Watumishi wenye tabia hizo na kuwataka kubadilika na kuendana na kasi ya Serikali ya awamu ya Sita inayoongozwa na Mhe. Samia Suluhu Hassan ambayo imejikita katika haki na uwajibikaji kwa Wananchi wake huku akiwataka Wananchi kushirikiana na Serikali kutoa taarifa muda wowote ili kuendelea kukomesha Mambo yanayorudisha nyuma juhudi za Serikali kuleta maendeleo kwa Wananchi wake.

"  tuwaombe Wananchi mtusaidie kutoa taarifa na sisi tutazifanyia kazi." Alisema Gowele.
Kwa upande wake Mzabuni Ian Pharmacy Limited ambaye amerudisha dawa hizo amekiri kuwepo kwa Vitendo hivyo na kuwa alikuwa akielekezwa kutopeleka dawa hizo na Walipaji kwa zaidi yavsiku Saba Jambo ambalo ni kinyume Cha taratibu.

" Baada ya kulipwa niliambiwa nisubiri kwanza. Kumbe ndo kulikuwa Kuna nchezo nyuma yake. Hadi kufikia watu wa TAKUKURU kubaini Mchezo huo. Kwa kawaida dawa hutakiwa kulekwa kituoni ndani ya siku tano baada ya malipo lakini ilikuwa unazidi zaidi ya siku hizo" Alisema mzabuni huyo.

Naye Moshi Saidi Ngalunda mkazi wa Ikwiriri Wilayani humo ameishukuru Serikali kwa juhudi za kushughulikia Changamoto za Wananchi.

" Tunaona juhudi zilizotolewa na Serikali kupitia TAKUKURU na kubaini mzigo huu. Kwakweli Mimi ni mgonjwa wa kuanguka lakini kwa Sasa ninapata dawa kila ninapokuja hospitalini." Alisema.