VIKUNDI 39 VYAPATIWA MKOPO, WATU 210 WANUFAIKA

Posted on: November 19th, 2024

Mkurugenzi Mtendaji wa Halmashauri ya Wilaya ya Rufiji Bw. Simon Berege amesema halmashauri imetoa mikopo kwa Vikundi 39 huku akiwaomba Vijana kuifanyika kazi mikopo hiyo kama walivyojiwekea malengo ili iweze kuzalisha na kujikwamua kiuchumi pamoja na kuirudisha ili isaidie kwa Vikundi vingine vitakavyoomba katika msimu mwingine.

"tumetoa mikopo kwa Vikundi 39, vyenye jumla ya Watu 210 walionufaika. ninawaomba sana, tusile mbegu. Unapopewa fedha ya mikopo au fedha ya mtaji lengo ikaongezeke iweze kukua"alisisitiza Berege.

Berege alitoa kauli hiyo kwenye hafla ya utoaji mikopo ya Vijana, Wanawake na Watu wenye Ulemavu, iliyofanyika Jana Novemba 19, 2024 katika Ukumbi wa halmashauri ya Wilaya ya Rufiji.

Kwa upande wake, Mkuu wa Divisheni ya maendeleo ya jamii ya Wilaya ya Rufiji Patricia Sao, aibainisha vigezo vya utoaji na kulingana na mwongoo wa kanuni za utoaji na  usimamizi wa mkopo ya Vijana, Wanawake, na Watu wenye Ulemavu za mwaka 2024.

"kushiriki katika mikutano ya uhamasishaji katika Vijiji ili kuondoa utoaji wa mkopo kwa Watu wasiotambulika katika maeneo yao, Kikundi kuwa na mradiunaotambulika au unaoombewa mkopo, kuwa na cheti za usahiki kutoka mfumo wa uwezeshwaji (wezesha portal), kuwa na akaunti benki na Kikundi kuwa na Wanachama wasiopungu watano kwa Wanawake na Vijana na wawili kwa Watu wenye Ulemavu au mmoja baada ya kuthibitika kukosa Mtu wa kushirikiana nae, Kikundi kupata mafunzo, Vijana kuwa umri wa miaka 18 hadi 45" alibainisha sifa za Vikundi vilivyokidhi vigezo.