VIJIJI 52 KUNUFAIKA NA ZOEZI LA UHAWILISHAJI FEDHA KWA KAYA MASIKINI RUFIJI

Posted on: January 11th, 2022

Mratibu wa TASAF Wilayani Rufiji Bi. Pamella Mathias Birukila amesema Serikali kupitia mradi wa TASAF imeanza zoezi la uhawilishaji fedha, shilingi Milioni 274, 830, 000 kwa kaya masikini ambapo jumla ya Vijiji 52  vitapitiwa na zoezi hilo, huku vijiji vipya vikiwa  24 na  vya zamani 28.

“zoezi hili limeanza rasmi tarehe 11 januari na litakamilika tarehe 14 januari 2022. Malipo  yatafanyika kwa madirisha mawili  Julai - Agosti na Septemba - Oktoba kwa Vijiji 28 vya zamani  na  kwa vijiji vipya vitapokea dirisha moja ambalo ni Septemba - Oktoba 2021.” Alisema

Aidha Walengwa wametakiwa kutumia fedha hizo kwa malengo yaliyokusudiwa huku wakitakiwa kuhakikisha watoto wenye umri wa kwenda shule wanapelekwa kwa wakati na wenye umri chini ya miaka mitano wanapelekwa kliniki.

Kwa upande wake Afisa ufuatiliaji TASAF Wilayani Rufiji Edmund Mwalongo amewataka wawezeshaji wa zoezi hilo kuhakikisha wanazungumza na walengwa  jinsi ya kutumia fedha hizo kujikwamua katika umasikini kupitia vipindi vya mafunzo kwa  jamii  .