TUALIKE WAWEKEZAJI

Posted on: April 29th, 2021

Mkuu wa Wilaya ya Rufiji Lt.Col Patrick Sawala ametoa msisitizo juu ya swala la uwekezaji kwa kuwaalika wawekezaji na kuwajengea mazingira rafiki ikiwemo kujibiwa maombi kwa wakati na kuhakikisha wanapata hati miliki kwa wakati.

Ameyasema hayo Aprili 29 akitoa maelekezo ya Serikali wakati wa Baraza la Madiwani katika Ukumbi wa Halmashauri Wilayani Rufiji."Ninataka Mambo haya yaende haraka" Alisema.Aidha amewataka Watumishi wa aridhi kuhakikisha wanaondoa urasimu, kuwepo ofisini muda wa kazi na kuondoka kazini kwa kufuata Utaratibu kwa mujibu wa taratibu za kazi.

Pia amelitaka Baraza hilo kujadili na kutenga eneo maalum la uwekezaji kwa Wilaya ya Rufiji.Amesisitiza kuwaelimisha wafanyabiashara kulipa Kodi,  kuongeza makusanyo.Sambamba na maelekezo hayo, ametoa salamu za pongezi kwa Mkuu wa Mkoa wa Pwani Mhandisi Evarist Ndikilo na Wilaya ya Rufiji, kwa kupata hati safi huku akilitaka Baraza hilo kuendelea kusimamia Vizuri ili kuendelea kupata hati safi Kama ilivyokuwa kwa Miaka ya nyuma mfululizo.Ameelekeza kuwepo na taratibu za utengenezaji wa madawati yasiopungua 100 kila mwezi na ujenzi wa karakana ya Wilaya ili kazi hizo zifanyike katika eneo moja.Kufuatia migogoro ya Wakulima na Wafugaji amewataka Viongozi kujitathmini na kushiriki kutatua migogoro hiyo pamoja badala ya kumuachia Mkuu wa Wilaya peke yake. 

Hata hivyo amesema kamwe hata kata tamaa kutatua migogoro hiyo." Nimekuja kushirikiana na Wanarufiji kufanya kazi. Sita kata tamaa. Wanarufiji hawataki story, wanataka kuona mabadiliko ya maendeleo". AlisemaAmesisitiza kuziwezesha kamati za usuluishi za Kata ili kuwa na uelewa wa kutosha juu ya usuluishi wa migogoro ya Wakulima na Wafugaji.Kwa upande wa utekelezaji wa Miradi ya maendeleo Sawala amesema haridhishwi na kasi ya ujenzi wa mradi wa shule ya Msingi Utete pamoja na Ofisi ya Mkurugenzi huku akiitaka kamati husika kusimamia kikamilifu swala hilo.

Kwa upande wa Miundombinu ya Barabara za Ngarambe na Mbwara amesema tayari Wilaya imeshaandikia barua uongozi wa TARURA MKOA ili barabara hizo zishughulikiwe Kama dharula.Pia ameeleza kuwa bajeti ya daraja la mbambe imeshatoka.Akifunga hotuba yake, Mhe. Sawala amewakaribisha Watumishi wapya akiwemo Afisa Utumishi Wilaya, Mhandisi wa Wilaya, Mkuu wa kitengo Cha Manunuzi, Mganga Mkuu wa Wilaya pamoja na Afisa aridhi na kumtaka Afisa utumishi mpya kutenga utamaduni wa kutembelea Watumishi ili kushughulikia na kutatua kero zao kwa Urahisi na kwa Wakati.