SOKO LA UTETE KUWEKWA CHINI YA MAMLAKA MJI MDOGO

Posted on: February 16th, 2021

Baraza la Mamlaka ya Mji Mdogo Utete limetoa maamuzi ya kuliweka Soko lililopo katika Kata ya Utete chini ya Mamlaka ya Mji Mdogo ili kuboresha hadhi ya Soko hilo na kuhakikisha manufaa ya Soko hilo yanaenda kwa Wananchi Wote waliopo chini ya Mamlaka.

Maamuzi hayo yamefanyika katika Mkutano wa  Baraza la robo ya pili kilichofanyika tarehe 16/02/2021 , ambapo suala la kurudisha soko chini ya mamlaka ya Mji Mdogo lilikuwa moja ya ajenda katika kikao hicho.

Akizungumza baada ya Maamuzi hayo  Mwenyekiti wa Malaka ya Mji Mdogo Mtengashari Ally Mtolia amesema Soko hilo la Umma linatakiwa kuwachini ya Mamlaka ili manufaa yake yasiwe kwa Watu wachache. Soko hilo limekuwa likitumia fedha za Serikali kurekebishwa na kutoa huduma mbalimbali lakini mapato yake yalikuwa chini ya watu wachache na sio Serikali ambayo ndiyo inayotoa huduma kwa Umma. “ sio kweli njambo la umma liwe na manufaa kwa watu wachache ndio maana tumemua soko hili liwe chini ya malaka ya Mji Mdogo na lijengwe katika hadhi ya soko.” Alisema.

Baraza limepokea taarifa mbalimbali ikiwemo kukithiri kwa Tembo mashambani na kwa baadhi ya makazi ya Watu ambapo ilitolewa taarifa kuwa, tayari Mkurugenzi Mtendaji ameshatoa maelekezo ya kuwapelekea maafisa Wanyama pori katika Vijiji hivyo ili kutoa msaada wa kudumu, Kuanza kwa kurtolewa kwa huduma za chanjo huku maeneo ya nyawanje, namakono na mengine yakliyokuwa yakipata changamoto ya umbali kupewa kipaumbele katika utolewaji wa huduma hizo.

Sambamba na hilo, Baraza limepokea taarifa toka kwa Mkurugenzi Mtendaji wa halmashauri kupitia   Mratibu wa TASAF  Wilaya Lamudi Ngaruburwa juu ya  kuanza kwa malipo ya Walengwa kaya masikini kupitia mradi wa TASAF ambao unatarajiwa kuanza tarehe 18/02/2021 ambayo yatafanyika kwa Vitongoji vitano.” Tarehe 18/02/2021 malipo yatafanyika kwa vitongoji vitano (05) vilivyomo kwenye mpango na tarehe 19/02/2021 malipo hayo yatamalizika Kitaifa. Baadaye tutaanza zoezi la kutambua kaya mpya kwa Vitongoji ambavyo havikuingizwa awali. Kwa kaya zilizo  achwa mwanzo nazo zitaingizwa upya kupitia utaratibu maalum “  Alisema.

Ameongeza kuwa wale wote ambao hawakuhakikiwa katika zoezi la uhakiki lililopita wajitokeze tarehe 18/02/2021 ili wahakikiwe.