Serikali yafanya matengenezo ya gari la kubebea wagonjwa la kituo cha Afya Ikwiriri

Posted on: August 4th, 2020

Mkuu wa Wilaya ya Rufiji Mh. Luteni Kanali Patrick Kenani Sawala amekabidhi gari la kubebea wagonjwa (Ambulance) kwa Mkurugenzi Mtendaji wa Halmashauri Ndg Rashidi S. Salum baada ya kufanyiwa matengenezo na Serikali ya Jamhuru ya Muungano wa Tanzania.

Aidha amesisitiza kuwa gari hilo na mali nyingine zote za umma zitumike kwa umakini na utunzaji wa hali ya juu kwa manufaa ya wananchi wa Rufiji na Tanzania kwa ujumla. Sambamba  na hilo ametoa maelekezo kuwa taarifa za uharibifu wa aina yoyote utakaopelekea gari hilo kutokufanya kazi kwa ufanisi ziwasilishwe Ofisi ya Mkuu wa Wilaya mapema ili ziweze kufanyiwa kazi kwa wakati.