SAUTI RUFIJI WAADHIMISHA SIKU YA MUUNGANO KWA KUPANDA MITI

Posted on: April 26th, 2025

Chama Cha Skauti Tanzania Wilayani Rufiji Mkoani kwa Kushirikiana na Wakala wa Huduma za Misitu Tanzania Wilayani Rufiji (TFS), wameadhimisha siku ya Miaka 61 ya Muungano wa Tanganyika na Zanzibar kwa kupanda miti 2,600 ya matunda na kivuli ili kukabiliana na mabadiliko ya hali ya hewa na kutunza Mazingira.

Zoezi la upandaji Miti ilibebwa na kaulimbiu isemayo 'RURIJI YA KIJANI NA SKAUTI WA SAMIA' ilifanyika jana Aprili 26, 2025 kwa kupanda Miti katika Shule za Sekondary na Taasisi za Serikali.

Akizungumza wakati wa zoezi hilo Kamishna wa Skauti Wilaya ya Rufiji Latifa Lukwaro, amesema kampeni hiyo ni kuunga mkono maelekezo ya Kitaifa sambamba na maelekezo ya Mkuu wa Wilaya ya Rufiji ambaye pia ni Mlezi wa chama Cha Skauti Wilayani humo ya kupanda miti Kila Kata.

"Tumepanda miti 2600, ya matunda 1600 (mipera), ya kivuli 1000 (mgunga), Utete Miti 1055. Lengo lilikuwa kupanda miti 3500/3000 kwa kila tarafa.

"leo tumepanda a shule Saba za maoni na sekondari, Ikulu ndogo (Rest house), Ofisi ya TAKUKURU, Mahakamani, Katika Chuo Cha Maendeleo ya Wananchi FDC, Shule ya Sekondary Chumbi, Shule ya Sekondary Nyamwage na Shule ya Sekondary Mohoro" alieleza.

Siku ya Muungano wa Tanganyika na Zanzibar huadhimishwa Aprili 26 ya Kila mwaka.