RUFIJI KINARA KUKABIDHI MADAWATI PWANI

Posted on: September 1st, 2020

Mkuu wa Wilaya ya Rufiji Mh. Luteni Kanali Patrick K. Sawala, akiongozana na Katibu Tawala Wilaya Bi. Maria Katemana, Mkurugenzi Mtendaji Ndg. Rashid  Salum Salum, pamoja  na Maafisa Elimu Msingi na Sekondari wilaya ya Rufiji, leo amekabidhi madawati (viti na meza 300) kwa Mkuu wa Mkoa wa Pwani katika Kikosi cha Jeshi Shirika la Nyumbu Kibaha. Akizungumza katika Utangulizi wa makabidhiano hayo Mh. Sawala amesema " Tulipopewa agizo la kila wilaya kuhakikisha inamaliza tatizo la watoto kukaa chini, Rufiji tulichukua agizo hilo kuwa ni oparesheni maalumu. na tulipopata wazo toka kwako juu ya kuwashirikisha wadau likiwemo shirika la Nyumbu kwetu tulichukulia ni lazima. kwakweli wamepambana usiku na mchana mpaka kuweza kutimiza lengo na leo tunakabidhi kazi kama ulivyoagiza kuwa tar. 01/09/2020 Wilaya zote zikukabiidhi madawati kama ishara ya kumaliza tatizo la watoto kukaa chini katika Mkoa wa pwani". Wilaya ya Rufiji imefanya kazi hiyo kwa asilimia themanini(80%) kwani mpaka sasa Meza 1250 zimeshatengenezwa na viti 2031 pamoja na madawati 3945 kwa shule za msingi. Madawati haya yametengenezwa bila faida yoyote , wametoa huduma." alisema. katika kuwasilisha taarifa hiyo fupi ya Mh. Sawala amesema kazi hiyo imewajali mafundi wenyeji na kuwa mafundi wote wa Ikwiriri na Utete wamepewa kazi hiyo na tayari wameanza kukabidhi madawati hayo. Aidha amemuomba Mkuu wa Mkoa kumruhusu aanza kukabidhi madawati hayo kwenye shule zenye mahitaji ili kutekeleza kauli mbiu isemayo " Mtoto wa Rufiji kukaa chini sasa basi".

 Akiongea kwa ufupi kabla ya kumkaribisha Mkuu wa Mkoa, Katibu Tawala Mkoa wa Pwani amempongeza Mkuu wa Wilaya, Das, pamoja na Mkurugenzi Mtendaji kwa kupambana na kuwa Wilaya ya Kwanza kukamilisha na kutekeleza agizo hilo.

 Mkuu wa Mkoa Mh. Eng. Evarist Ndikilo amepongeza juhudi hizo na kusifia ubora wa madawati yaliyotengenezwa na kuwataka wakuu wa Wilaya Nyingine Kutoa maelezo ya Kina kwanini hawajatekeleza agizo lake kwa wakati.