REA WAKABUDHI RUNINGA KITUO VHA AFYA NGARAMBE

Posted on: November 21st, 2024

Serikali Kupitia Wakala wa Nishati Vijijini (REA) wamekabidhi seti ya runinga (TV) katika Kituo cha Afya Ngarambe kilichopo Kata ya Ngarambe Wilayani Rufiji, ambayo itatumika kutoa elimu kwa umàma juu ya magonjwa mbalimbali ambukizi katika jamii ikiwemo Uvico 19.

"tumekuja Kituo Cha Afya Cha Ngarambe  kukabidhi seti ya TV ambayo itatumika katika kutoa elimu kwa umma ya magonjwa ambukizi kama vile Uvico 19, magonjwa ya kuhara, pamoja na magonjwa mengine ya mfumo wa upumuaji" alisema Jayina Msuya Afisa maendeleo ya Jamii wa Wakala wa Nishati Vijijini  (REA).

Ameyasema hayo wakati akikabidhi runinga katika Kituo Cha Afya Ngarambe Jana Novemba 21, 2024.

Amesema Kituo Cha Ngarambe ni Moja ya Vituo vilivyopata umeme Kupitia mradi wa Vituo  vya Afya na pampu za maji yenye lengo la kupambana na ugonjwa wa mripuko ikiwemo Uvico 19.

"lengo la mradi huu ulikuwa ni kuwawezesha Wananchi ambao wapo maeneo ya Vijijini kupata huduma kwa haraka wanapopata athari za magonjwa hayo.

Kwa upande wake Diwani wa Kata ya Ngarambe Mhe. Mohamed Ngatemela ameishukuru Serikali kwa kuendelea kurahisisha upatikanaji wa huduma za Afya katika Kata yake pamoja kutoa Shukrani kwa REA kwa kutoa runinga ambayo amedai itawasaidia kutoa elimu mbalimbali ikiwemo kutoa elimu ya magonjwa yatakayokuwa yanatolewa tahadhari Kupitia vyombo vya habari.

Akizungumzia namna REA ilivyosaidia Wajawazito kupata huduma ya uzazi wakati wa usiku Mwenyekiti wa bodi ya Afya Kituoni hapo Yustina Chilowoko, amesema kuwepo kwa umeme kumekuwa msaada mkubwa  kwa Wajawazito ambapo awali walikuwa wanazalia majumbani kwa hofu ya kukutana na Wanyama Wakali gizani kutokana na kukosa umeme na kulazimika kufuata huduma hyo katika hospitali ya Wilaya kwa umbali wa zaidi ya km 60 wakipita kwenye pori lenye Wanyama Wakali.

"Tangu utufikie umeme Wajawazito wengi wanafikishwa hospitali kwa wakati na wanahudumiwa kwa wakati, hawazalii tena majumbani" Chilowoko.

Graven Kessy Muuguzi wa Kituo Cha Afya Ngarambe ameishukuru Serikali Kupitia REA kufikisha umeme Ngarambe kwasababu walikuwa wanapata shida kutoa huduma kwa Wagonjwa Nyakati za usiku.

"tunaishukuru sana REA kwa kutuletea umeme katika Kituo Cha Afya Ngarambe. Tulikuwa tunapata shida wakati wa usiku, lakini sasa  shughuli zetu zinafanyika kwa uhakika" alisema Kessy.