RC KUNENGE AIPONGEZA RUFIJI KWA KUPATA HATI SAFI, AHITAJI MATUMIZI YENYE TIJA KWA WANAN

Posted on: June 19th, 2024

Mkuu wa Mkoa wa Pwani Mhe. Abubakar Kunenge, ameipongeza halmashauri ya Wilaya ya Rufiji kwa kupata hati safi huku akihitaji matumizi yenye tija ya kuangalia namna ya kubadili maisha ya Wananchi kupitia pesa zinazokusanywa au kuletwa kutoka serikali kuu.

RC Kunenge alitoa pongezi hizo na kusema hay oleo Jumatano Juni 19, 2024 katika baraza maalumu la kujadili taarifa ya Mdhibiti na Mkaguzi mkuu wa hesabu za serikali, kilichofanyika katika ukumbi wa Halmashauri ya Wilaya ya Rufiji.

“mimi ninawapongeza lakini sasa  tuangalie namna ya kuyabadili maisha ya Wananchi wetu” alisema Kunenge.

Pia Kunenge aliitaka Halmashauri kumaliza miradi ya zamani iliyoanza kutekelezwa badala ya kuanzisha miradi mengine wakati ya zamani haijakwisha, ili ianze kutoa huduma kwa Wananchi.

Akilieleza baraza juu ya taarifa ya Mdhibiti na Mkaguzi Mkuu wa hesabu za Serikali, Mwenyekiti wa Halmashauri ya Wilaya ya Rufiji Mhe. Abdul Chobo amesema Halmashauri imepata hati safi baada ya ukaguzi wa hesabu za fedha za mwaka 2022/2023 ulioishia juni 30, 2023.

 “tayari halmashauri imeshapokea rasmi matokeo ya ukaguzi huo, ambapo taarifa kamili imewasilishwa kwa Mkurugenzi Mtendaji, katika ukaguzi huo Mdhibiti na Mkaguzi Mkuu wa hesabu za Serikali amejiridhisha kuwa kutokana na ushahidi wa vielelezo alivyopitia, Halmashauri ya Wilaya ya Rufiji imepata hati safi” alisema Chobo.

Aliongeza kuwa,  Mdhibiti na Mkaguzi Mkuu wa hesabu za Serikali ameridhika kuwa miamala na taratibu za manunuzi zimezingatia matakwa ya sheria ya manunuzi ya umma ya mwaka 2011 na kanuni zake za mwaka 2013

Chobo alifafanua Halmashauri ya Wilaya ya Rufiji ilikuwa na hoja 56 na maagizo 8 ya kamati ya bunge ya hesabu za serikali za mitaa LAC ambapo menejimenti ilizipatia majibu hoja na maagizo yote na kuwasilisha kwa Mkaguzi Mkuu wa hesabu za Serikali CAG.