Ndg Moris Ekude (Mtakwimu) kutoka Ofisi ya Takwimu Taifa awaomba wananchi wote wa Rufiji kuwapa ushirikiano watafiti wa magonjwa mbalimbali Wilayani Rufiji mwishoni mwa mwezi Juni hadi Julai 2017

Posted on: June 16th, 2017

Ndg Moris Ekude (Mtakwimu) kutoka Ofisi ya Takwimu Taifa ameomba wananchi na wafanyakazi wote wa Halmashauri ya Wilaya ya Rufiji kuwapa ushirikiano watafiti kutoka Ofisi ya Takwimu Taifa watakaokuja kufanya utafiti wa magonjwa mbalimbali ukiwemo VVU na UKIMWI, Homa ya ini na Kaswende kuanzia mwishoni mwa mwezi Juni 2017.

Alisema kuwa utafiti huo ni wa kitaifa na kwa upande wa Wilaya ya Rufiji  utazihusu kata za Mgomba, Chumbi,  na Ikwiriri. 

Utafiti huo ulishawahi kufanyika mwaka 2003, 2007, 2011 na  2017 ni mara ya nne. Lengo la utafiti ni kuweza kujua ukubwa na viashiria vya  maambukizi ya VVU na UKIMWI, Homa ya Ini,  Kaswende na changamoto zake. 

Mbali na kupatikana kwa Takwimu sahihi zitakazoisaidia Serikali ya Awamu ya Tano inayoongozwa na Mh: Rais Dr. John Pombe Magufuli kupanga bajeti sahihi kwa ili kuwapatia  wananchi wake huduma bora; pia Serikali itawahudumia waathirika wote bila malipo yoyote.