MNYEMA APONGEZA UKARABATI WA HOSPITALI YA WILAYA YA RUFIJI (UTETE).

Posted on: August 26th, 2025

Katibu Tawala Mkoa wa Pwani Bi. Pili Mnyema ametoa pongezi kwa Viongzii Wilayani Rufiji kwa kusimamia vizuri miradi ya Serikali ikiwemo ukarabati wa majengo ya Hospitali ya Wilaya ya Rufiji ambayo kabla yalikuwa yamechakaa.

Bi. Mnyema alitoa pongezi hizo wakati akikagua ukarabati wa hospitali hiyo leo Agosti 26, 2025 ikiwa ni ziara yake ya kukagua miradi ya maendeleo pamoja na kuzungmza na Watumishi.

Vilevike alitoa pongezi kwa namna Viongzi Wilayani Rufiji wanavyoushughulikia migogoro ya Wakulima na Wafugaji ambapo Katika Kijiji Cha Nyamwage Kata ya Mbwara Serikali imeanza kujenga mpaka unaotenganisha eneo la Wafugaji na Wakulima ili  kupunguza migogoro ya mara kwa mara baina yao.

"Serikali ya Rais Samia inawajali ndo maana Wafugaji wameletewa chanjo na Wakulima wanaletewa mbolea za ruzuku, kwahiyo kila mmoja ana umuhimu. Mpaka huu utakapokamilika Mfugaji akae kwenye eneo lake na Mkulima akae kwenye eneo lake" alisisitiza Mnyema.

Aliongeza kuwa adhima ya Serikali ni kuona Mkulima na Mfugaji wanaishi kwa  bila ya migogoro.