Mkuu wa Wilaya ya Rufiji Mh: Juma A. Njwayo awahimiza wazazi kutenda haki kwa watoto wote; alisema hayo katika Maadhimisho ya Siku ya Mtoto wa Afrika 16 Juni 2017

Posted on: June 16th, 2017

Mkuu wa Wilaya ya Rufiji Mh: Juma A. Njwayo awataka wazazi kutenda haki kwa watoto wote bila kujali jinsi na hali ya Afya(ulemavu). Akiongea na wazazi pamoja na watoto waliokusanyika katika viwanja vya Shule ya Msingi Mapinduzi kuadhimisha Siku ya Mtoto wa Afrika alisema:-

Mtoto ni haki yake kulindwa na ni jukumu la kila mzazi kuhakikisha kwamba mtoto/watoto wake analindwa dhidi ya magonjwa, mimba za utotoni na kulawiti

Wazazi watoe fursa sawa kwa watoto bila kuwatenga kijinsia. Alitoa elimu kwa wazazi na watoto waliokusanyika eneo hilo kuwaq watoto wana haki sawa hivyo wazazi waswatenge/kuwababua watoto wao kijinsia katika kuwatimizia mahitaji mbalimbali. Alisema kuwa ile dhana ya kusema kuwa elimu ni kwa ajili ya mtoto wa kiume tu imeshapitwa na wakati na kamwe haikubaliki hivyo kama ni elimu basi wapewe wote. Alitoa agizo kwa wazazi wenye watoto walioacha shule (watoro wa muda mrefu) kuhakikisha wanawapeleka shule mapema iwezekanavyo watakaokaidi amri hii watawajibishwa kwa mujibu wa sheria. 

Ni jukumu la kila mzazi kuhakikisha kwamba mtoto/watoto wake wanakuwa na Afya njema ikiwemo kupewa chanjo mbalimbali. Alitumia fursa hiyo kutoa kinga na chanjo ya minyoo na kinga ya magonjwa mengine kwa baadhi ya watoto waliohudhuria kwenye maadhimisho hayo.

Mimba za utotoni, manyanyaso na ulawiti dhidi ya watoto havikubalika na inatakiwa kila mwananchi akemee tabia kama hizo zinazofanywa na baadhi ya wananchi.

Kupata hotuba ya Mh: Mkuu wa Wilaya:  BOFYA HAPA