MKUU WA WILAYA YA RUFIJI ABISHA HODI KWA WAZEE

Posted on: August 12th, 2020

Mnamo majira ya saa nane mchana Mh. Mkuu wa wiaya alifanya Mkutano na wazee wa wiaya ya Rufiji kuomba ushirikiano wao na kusikiliza kero za wazee hao.

Akizungumza na wazee hao Mh. Mkuu wa wilaya amewaomba wazee hao kumpa ushirikiano na kuwa yupo tayari kuonana nao kila baada ya miezi mitatu na mzee yoyote mwenye jambo la kumshirikisha asisite kumuona ofisini kwake.

Aidha katika Mkutano huo wazee walipata fursa ya kueleza kero zao ambazo ni wafugaji kuingia katika mashamba ya wakulima, ufinyu wa eneo la kulima kutokana na eneo la hifadhi kuwa kubwa kuliko idadi ya watu kwa sasa, kuwekwa lami barabara ya Utete – Nyamwage  pamoja na swala la mnada na sehemu za kuchakata mbao kuwa ikwiriri peke yake na kupendekeza mnada ufunguliwe pia na utete ili kuongeza  mapato na kuinua shughuli za kiuchumi kwa mtu mmojammoja. Hata hivyo wazee wamezipongeza idara za halmashauri ikiwemo idara ya Eimu msingi na sekondari kwa kupandisha ufaulu mwaka hadi mwaka.

Mh. Sawala allifunga Mkutano huo kwa kuwahamasisha wazee kuhimiza vijana wa Rufiji kufanya kazi na kuwa yupo tayari kuungana nao katika shughuli za kimaendeleo.