MKUU WA WILAYA AONGOZA KIKAO CHA KAMATI YA UVUNAJI WA MAZAO YA MISITU - RUFIJI

Posted on: August 13th, 2020

Mkuu wa Wilaya ya Rufiji Mh. Luteni kanali Ptrick K. Sawala leo ameongoza kikao cha kamati ya uvunaji wa mazao ya misitu wilayani Rufiji baada ya kumpokea Waziri Mkuu Mh. Kasim Majaliwa aliyepitia wilayani hapo kuelekea Mkoani Lindi.

Kikao hicho kilihudhuriwa na Mkuu wa wilaya ya Rufiji, Katibu Tawala wilaya, Mkurugenzi Mtendaji wilaya, kaimu Mkurugenzi Mtendaji mamlaka ya mji mdogo, Afisa misitu wilaya, kaimu meneja wa misitu wilaya ya Rufiji, wenyeviti wa vijiji, kamati ya ulinzi na usalama, askari wa hifadhi za misitu, watendaji wa vijiji na watendaji kata.

Katika kikao hicho mwenyekiti wa kikao ambaye ni Mkuu wa Wilaya amewaongoza wajumbe katika kujadili na kupitisha maombi ya wavunaji wa mazao ya misitu kwa msimu wa mwaka 2020/2021.

Aidha katika kikao hicho katibu wa kikao ambaye ni Meneja wa hifadhi ya rasilimali za mazao ya misitu wilaya ya Rufiji aliwasilisha mpango wa uvunaji kwa mwaka 2020/2021 na kusema kuwa kwa sasa wamejipanga vizuri kutumia rasilimali hizo kuongeza kipato kwa halmashauri na kwa Taifa kwa ujumla. Ndugu Peter kale(Meneja wa hifadhi ya misitu) amevitaja vijiji vilivyowekwa katika mpango kuwa ni Golani,Kiwili, siasa, namakono,mwaseni,kipugira,mkongo kusini,mloka, ndundunyikanza, mbwara, kilimani mashariki, kilimani magharibi, kipo, nyaminywili, mkongo kaskazini, ruwe, nyawanje ngwembele, nyamwage,mtanzamsona,tawi, chumbi A, chumbi B, chumbi C, Ikwiriri kaskazini, nyandumbi, kiwanga, nambunju, kipei, kitapi, shela. Mazao yanayotarajiwa kuvunwa ni magogo,mkaa, kuni, pamoja na nguzo.

Akizungumza katika kikao hicho Mheshimiwa sawala ambaye ni mwenyekiti ameagiza kuwa watu waliokamatwa wakivuna magogo kabla ya kupitishwa wapelekwe ofisini kwake mara moja. Ameongeza pia, magogo yaliyokamatwa yaelekezwe kwenye utengenezaji  wa madawati t5akribani elfu sita ambayo yanatakiwa kuwa tayari ifikapo tar 24/8/2020 ili kumaliza  changamoto ya madawati kwa shule za msingi na sekondari.