MKUU WA WILAYA AFANYA KIKAO CHA KWANZA NA WAFANYAKAZI .

Posted on: August 12th, 2020

Mkuu wa Wilaya ya Rufiji Mh. Luteni kanali Patrick K. Sawala amazungumza na wafanyakazi wa halmashauri leo ikiwa ni mara ya kwanza kuzungumza na watumishi tangu aanze kazi.

Akizungumza na wafanyakazi hao Mh. Sawala amesisitiza juu ya utendaji kwa bidii,uadilifu wa hali ya juu na ubunifu. “ …kwahiyo ninaomba kila mtu kwenye idara yake awe makini”. Alisema. Katika swala la uwajibikaji Mh. Sawala ameagiza Idara ya Elimu Msingi na Sekondari kupendekeza namna ya kutengeneza madawati zaidi ya elfu tano na kueleza kuwa tatizo hilo limepewa muda wa siku takribani kumi ili liwe limeisha kwa shule zote za wilaya ya Rufiji. “Tumepewa dealine mpaka tarehe 24 /08/2020 tatizo la madawati liwe limeisha.”

Mh. Sawala amesema kuwa “ mfanya kazi atakayekuwa anachelewesha utendaji kazi na kupelekea kuchelewa kwa maendeleo atamshtaki” aliisema. kwa upande wa idara ya kilimo amesisitiza juu ya uzalishaji kwa kutumia maji na maeneo mapori yaliyopo ili kufanya uzalishaji. “ hainiingii akilini wanarufiji tunamapori , wanarufiji tuna mto, alafu mwanarufiji anakula nyanya kutoka Dar es salaam. Hatusemi zisije lakini na sisi tuzalishe. Afisa mipango tunataka uje na mipango ya kuongeza mapato ya halamshauri.” Alisema.

Aidha Mh. Sawala amesisitiza juu ya swala  la ukaribu wa taarifa baina ya wafanyakazi wa idara na wakuu wa idara.

Akifunga mkutano huo Mh. Mkuu wa wilaya alimalizia kwa kaulimbiu isemayo “ Rufiji Timu Moja, Rufiji Penda Kazi”.