MEJA GOWELE NI MFANO WA KUIGWA KUWEZESHA WANAFUNZI WANOTOKA KWENYE MAZINGIRA MAGUMU - EDWARD BUGANGA

Posted on: January 24th, 2023

Na Emmanuel Kapandila - Rufiji

Katika Kutekeleza nia ya kutoa hamasa na kuibua Watoto wengi wanakosa nafasi za kuendelea kielimu Kwa kukosa fursa ya kupata sare, vifaa vya shuleni na Msaada wa kufuatiliwa na kujaliwa kutokana na uwepo wa MAZINGIRA magumu ya kiuchumi, Mkuu wa Wilaya ya Rufiji Meja Edward Gowele anaamua kuongeza chachu na hamasa ya kuongeza bidii za masomo kwa Watoto hao.

Akizungumza Kwa niaba ya Mkuu wa Wilaya wakati akikabidhi vifaa hivyo  Kaimu Mkurugenzi Mtendaji wa Halmashauri ya Wilaya ya Rufiji ambaye pia ni Afisa Elimu ya awali na Msingi Wilayani humo Edward Buganga amesema Mkuu wa Wilaya ya Rufiji amekuwa Msaada mkuwa Kwa Watoto wa Rufiji hususani katika maswala ya Elimu na amekuwa mdau mkubwa WA kupinga Watoto wenye umri wa Kwenda Shule kubebeshwa mzigo wa kutafuta kipato Cha nyumbani Kwa kuuza vitu maeneo ya vituo vya mabasi pamoja na mitaani. 

" Hakika huu ni mfano wa kuigwa. Wadau pamoja na sisi sote tulipo Rufiji na nje ya Rufiji tunao wajibu wa kuchukua hatua za haraka kupitia mfano huu" Alisema Buganga 

Buganga ameeleza kuwa Watoto hao bado wanahitaji Msaada zaidi ikiwemo Kuwezeshwa kupata chakula shuleni.

" Hadi Sasa Wilaya ya Rufiji inatekeleza kampeni ya Watoto kula chakula shuleni ambapo Halmashauri ilianza Kwa kutoa mfano Kwa kutoa chakula Kwa Shule Tano . Wanarufiji ndani na nje ya Wilaya tuone haja ya kufunga Mkono jitihada hizi Ili Watoto wote bila kubagua mazingira Yao wapate chakula kama tulivyoazimia kupitia kikao Cha Wadau wa Elimu kilicholenga kufanya tathmini ya matokeo ya 2023." Alisema Buganga.

Aidha Mkuu wa Wilaya ya Rufiji ametoa pongezi Kwa Serikali ya awamu ya Sita  pamoja na Mbunge WA Jimbo la Rufiji ambaye pia ni Waziri wa Utamaduni, Sanaa na Michezo Kwa kuendelea kuwagusa Wananchi hususani Kuwajengea miundombinu Bora ya Elimu ambapo amesema ni wajibu wa Wananchi kutumia fursa hiyo na kunufaika nayo.