MAKUBWA YAZIDI KUFANYWA RUFIJI, KIWANDA CHA TOFALI MBIONI KUANZISHWA.

Posted on: February 9th, 2023

Kamati ya fedha Mipango na Utawala imetembelea kampuni ya Polly Machinary uliyopo jijini Dar es salaam kukagua mtambo wa uzalishaji wa Tofali unaotarajiwa kutumika katika kiwanda kipya cha Kufyatua tofali za aina zote .

Mtambo huo unatarajiwa kuzalisha tofali 2500 hadi 4000 kwa siku, unatarajiwa kufungwa hivi karibuni na kuanza uzalishaji.

Halmashauri ya Wilaya ya Rufiji imejikita katika kuboresha huduma , miundombinu ya kibiashara na Uwekezaji  na kuibua Miradi mikubwa ya kuongeza mapato na ajira  ili kuinua uchumi wa Wananchi pamoja na Serikali kwa mwaka wa fedha 2022/2023 na katika mpango na bajeti wa Mwaka wa fedha 2023/2024.

Miradi ya Kimkakati ambayo ipo kwenye hatua mbalimbali za utekelezaji  hadi sasa ni ujenzi wa stendi na maegesho ya Magari Mloka, Ujenzi wa Ghala la kuhifadhi mazao lililopo Kata ya Mgomba (limeshaanza kutumika) pamoja, uboreshaji wa stendi ya Ikwiriri ( mchakato umeanza hatua za awali), Uanzishaji wa shamba zaidi ya hekari 500 la ufuta na Korosho Kata ya Chemchem ( tayari hatua za upandaji ufuta na uandaaji wa mbegu za korosho zimeandaliwa), Maegesho ya Magari Ikwiriri, Ujenzi wa eneo maalum la machinga Ikwiriri ( hatua za awali) pamoja na ujenzi wa Kiwanda cha Kuzalisha tofali.