MAKARANI WAONGOZAJI WAPIGA KURA WAPATIWA MAFUNZO RASMI

Posted on: October 25th, 2025

Msimamizi wa uchaguzi Jimbo la Rufiji Sebastian Gaganija, amewataka Makarani Waongozaji Wapiga kura Jimbo la Rufiji kutunza siri na kujitoa kwenye Vyama vya siasa ili wafanye kazi kwa haki, uadilifu na uaminifu.

Gaganija alisema hayo jana oktoba 25, 2025 wakati wa mafunzo kwa Makarani Waongozaji wapiga kura, yaliyofanyika katika Ukumbi wa Shule Maalum ya Wasichana Bibi Titi iliyopo Kata ya    Chemchem.

"ni matumaini yangu kazi hii mtaifanya kwa ubora na umahiri mkubwa, nawasihi sana kuishi kwenye kiapo mlichoapa leo, tunafanye Kazi kwa kushirikiana. Tuzingatie muda wa kufungua na kufunga Kituo cha kupigia kura" alisisitiza Gaganija.

Mafunzo hayo ya siku moja yalilenga kukumbusha majukumu ya  Makarani Waongozaji wapiga kura ambao wanawajibu mkubwa katika zoezi Zima la Uchaguzi linalotarajiwa kufanyika Oktoba 29,2025.