MADIWANI WATAKIWA KUSHIRIKI KUTATUA KERO ZA WANANCH.

Posted on: November 3rd, 2022

Mkuu wa Wilaya ya Rufiji Meja Edward Gowele amewataka Madiwani kuhakikisha wanashiriki kutatua kero za wananchi na  kuepuka kuwa sehemu ya chanzo cha kero hizo hususani kwenye swala la migogoro ya wakulima na wafugajiMhe. Gowele ameyasema hayo leo Novemba 3. 2022 wakati akitoa maelekezo ya Serikali katika kikao cha baraza la madiwani robo ya kwanza kilichofanyika katika ukumbi wa Halmashauri.Aidha ametoa msisitizo juu ya ushirikiano katika utatuzi wa changamoto za wakulima na wafugaji huku akitoa shukrani kwa baraza hilo kwa namna ambavyo limekuwa likiunga mkono oparesheni za kuondoa mifugo inayoingia bila kibali jambo lililopelekea migogoro kuisha bila kujitokeza vifo vya watu." tuhakikishe tunawalinda Wananchi wetu. mifugo yote iingie kwa utaratibu. mimi na kamati ya ulinzi na usalama tutaendelea kusimamia haya kwa uaminifu mkubwa. sisi tumeshajipanga . madiwani huko mlipo kama utakuta kuna mifugo isiyoeleweka tupeni taarifa. tuhakikishe tunaondoa kero kwa moyo na sio kwa malipo. pasitokee mapigano wala mauaji." alisema Mhe. Gowele.Sambamba na hayo ametoa rai kwa madiwani kuhakikisha wananchi wanashiriki katika ujenzi wa vyumba 15 vya madarasa vinavyojengwa kwa fedha toka serikali kuu Milioni 300 zilizotelewa kukidhi mahitaji ya wanafunzi wa kidato cha kwanza 2023.Kwa upande wake Mwenyekiti wa Halmashauri Mhe. Juma ligombaametoa msisitizo juu ya swala la mshikamano ili kuwaletea wananrufiji maendeleo.Aidha ameongeza kwa kueleza hali ya makusanyo ya Halmashauri kulinganisha na mpango uliowekwa katika ukusanyaji." tunafunga robo ya kwanza tukiwa na asilimia 36 za makusanyo. jambo ambalo ni zaidi ya asimilia tisa za makadirio ya makusanyo ambayo ni asilimia 25. tuendelee kusimamia katika namna ya kuweza kukusanya mapato zaidi." alisema Mhe. Ligombakwa umoja wao madiwani wa Halmashauri wametoa pongezi kwa mkurugenzi mtendaji wa Halmashauri ya Wilaya ya Rufiji kwa namna alivyoweza kuirudisha Stendi ya mabasi ikwiriri katika usimamizi wa Halmashauri jambo ambalo kwa miaka mingi lilikuwa likishindikana