MADIWANI WAPITISHA BAJETI YA BIL 27.5 YA MWAKA 2024/25

Posted on: February 10th, 2024

Baraza la Madiwani Wilayani Rufiji, limepitisha bajeti ya shillingi bil 27.5 ya mwaka wa fedha 2024/2025 kwa ajili ya utekelezaji wa miradi ya maendeleo Rufiji.

Kikao hicho cha baraza la Madiwani cha kujadili mapendekezo ya rasimu ya mpango na bajeti kimefanyika leo Februari 10, 2024 katika ukumbi wa Halmashauri ya wilaya ya Rufiji.

Mwenyekiti wa Halmashauri Mhe. Abdul chobo amesema bajeti hiyo imezingatia kutatua kero mbalimbali za Wananchi ambazo zinawakabili.

“tunashukuru kikao kimekwenda salama, na kwa kauli moja Waheshimiwa Madiwani wamepitisha bajeti ya bil 27.5 kwa ajili ya miradi ya maendeleo na mambo mengine ya halmshauri. Bajeti imezingatia kutatua kero za Wananchi” amesema Chobo.

Katika hatua nyingine, Mkuu wa Wilaya ya Rufiji Meja Edward Gowele amewashauri Madiwani na Watendaji  kuwaambia Wananchi umuhimu wa miradi  inayotekelezwa na serikali katika maeneo yao.

Amesema amepita katika kata zote ila alichokigundua kwamba Wananchi hawafahamu yale yanayotekelezwa na serikali katika maeneo hayo.

“serikali imefanya kazi kubwa sana ya uboreshaji ya miundombinu ya elimu, Afya, lakini Wananchi  hawajui kwahiyo nimeshauri Madiwani pamoja na watendaji wote kwamba tunawajibu wa kuyasema Mheshimiwa Rais anayafanya” amesema Gowele