MADIWANI RUFIJI WAELEZA WALICHOJIFUNZA BAADA YA MAFUNZO YA KUKABILIANA NA MAAFA

Posted on: June 27th, 2024

Mafunzo yaliyokuwa yanatolewa na Idara ya Menejimenti ya Maafa kutoka Ofisi ya Waziri Mkuu, Sera, Bunge na Uratibu kwa Kamati ya Maafa ya Wilaya ya Rufiji yamehitimishwa jana Juni 27, 2024, yaliyolenga kuwajengea uwezo wa kuratibu maswala ya Maafa kuanzia jinsi ya kuzuia, kujiandaa na Maafa, Kukabiliana nayo yatakapotokea Maafa na jinsi ya kurejesha hali baada ya Maafa, huku baadhi ya Washiriki katika mafunzo hayo wakiwemo Madiwani wameishukuru Serikali kwa namna walivyoandaa mafunzo kwa Kamati ya Maafa Rufiji.

Mafunzo hayo yaliyokuwa yanaendeshwa na Wakufunzi mbalimbali akiwemo Dr. Christopher Mzava ambaye ni mshauri wa maswala ya Maafa,  amesema Wamekuja Rufiji kutoa mafunzo kwa ajili ya usimamizi wa maafa kwa Kmati ya Maafa ya Wilaya ya Rufiji, ili kuhakikisha kuwa Kamati hiyo inakuwa na uwezo wa kuratibu maafa.

“tumekuja hapa Rufiji kutoa Mafunzo kwa ajili ya usimamizi wa Maafa kwa Kamati ya Maafa ya Rufiji, wa maana ya Kamati elekezi na Wataalamu wa halmashauri, lengo kubwa ni kuhakikisha kwamba timu hizi zinakuwa na uwezo wa kuratibu maswala ya maafa kuanzia kuzuia, kujiandaa, kukabiliana na hata kurejesha hali wakati Maafa yanapokuwa yametokea” alisema Dr. Christopher Mzava.

Akifunga Mafunzo hayo Mkuu wa Wilaya ya Rufiji Meja Edward Gowele, ameishuru Serikali kwa kuleta mafunzo kwa Kmati ya Maafa ya Wilaya ambayo yametoa mwanga ya namna ya kuratibu pindi yatakapotokea Maafa.

Sasa kila mmoja ameona element yake ni ipi na anatakiwa afanye nini, kama ni Mtu wa uokoaji, Mtu wa Medical kama ni Mtu wa usafirishaji ameshaona nini anatakiwa afanye, na hayo tutaendelea kuyafanya pale tutakapopata muda” alisema DC Gowele alipokuwa anaelezea jinsi alivyoona mafunzo kwa vitendo ya jinsi gani ya kufanya kuzuia, kujiandaa na maafa, kukabilina nayo na jinsi kurejesha hali baada ya Maafa.

Elimu ya Mafunzo hayo yalikuwa yanafanyika katika ukumbi wa Halmashauri ya Wilaya ya Rufiji kuanzia Jumatatu Juni 24, 2024, Akielezea kitu alichojifunza Diwani wa Kata ya Mbwara Juma Ligomba, amesema amejifunza muundo mzuri wa jinsi gani ya kukabiliana na maafa ikiwemo, jinsi ya kuzuia, kujiandaa na maafa, kukabiliana nayo pamoja na kurejesha hali baada ya maafa kutokea katika jamii.

“muundo ule ambao leo mmenielekeza, nafikiria nikirudi kwenye Kata yangu nikafanye mafunzo kama ambayo mimi nimeyapata, ili Wananchi wangu wabaki wakiwa salama” alisema Mhe. Ligomba.

Diwani Mwingine, Zainabu Mng’ombe amesema amejifunza mpangilio mzuri wa utoaji wa taarifa wakati wa Maafa, “nimejifunza protocal za utoaji wa taarifa, huko mwanzo siku najua nilikuwa nafikiria kwamba hata mimi Diwani endapo nitajua kuna jambo limetokea naweza nikatoa taarifa, naweza nikasismama na nikasema, kumbe taratibu za kisheria haziko hivyo yupo Msemaji ambaye ni DC” alisema Mhe. Mng’ombe.