MADAWATI YASAMBAZWA MASHULENI

Posted on: September 7th, 2020

Mkuu wa Wilaya ya Rufufiji Mh. Luteni Kanali Patrick Sawala akishirikiana na Mkurugenzi Mtendaji Wilaya Ndg. Rashid Salum Salum leo Wamesimamia zoezi la Usambazaji wa Viti na Meza 500 ambavyo vimepelekwa katika shule za Sekondari Ikwiriri Viti na Meza 100, Kazamoyo Viti na Meza 50, Mwaseni Viti na Meza 100, Umwe Viti na Meza 50, Utete Viti na Meza 300 na madawati 200 ambayo yamepelekwa Shule za Msingi ambazo ni Ukombozi, Mgomba na Ikwiriri.

Akizungumzia zoezi hilo Afisa Elimu Msaidizi takwimu sekondari Ndg. Geofrey Mwakagali amesema, ” zoezi la usambazaji limeanza toka saa kumi na mbili alfajiri na hii ni awamu ya Kwanza amabapo tumeanza na shule zenye changamoto zaidi. Madawati ,viti na meza kwa Shule nyingine bado yanaendelea kutengenezwa hivyo shule nyingine zitapata kwa awamu ya pili ya usambazaji.”

Akizungumza kwa niaba ya Wanafunzi wa Shule ya Sekondari Utete, Kaka Mkuu wa Shule hiyo Florian Kaijage amesema “ tumefurahi sana, hatukutegemea tatizo hili kuisha kwa haraka. Tunaishukuru serikali hasa Mkuu wetu wa Wlaya na  tunaahidi kufanya vizuri kwenye masomo yetu.”

Aidha Mkuu wa Wilaya ametoa maelekezo kwa wanafunzi na kuwaagiza kusoma kwa bidii ili waweze kufaulu kwakuwa changamoto iliyokuwa ikichangia kutofanya vizuri, Serikali imeshaimaliza.