MADAWATI 64 YAPOKELEWA

Posted on: November 16th, 2021

Halmashauri ya Wilaya ya Rufiji inaendeleza jitihada zake za kuboresha miundombinu ya elimu katika shule za msingi na sekondari huku ikidhamiria kuweka historia ya kumaliza changamoto ya upungufu wa vyumba vya madarasa, maabara, nyumba za walimu, matundu ya vyoo pamoja madawati kulingana na miundombinu iliyopo.

Kwa kushirkikiana na Jeshi la Wananchi Tanzania Kamamndi ya Wanamaji Wilaya imepokea madawati 64 ya shule za msingi.

Akizungumza wakati wa mapokezi hayo Mkuu wa Wilaya ya Rufiji Meja Edward Gowele amesema Serikali ya awamu ya sita inayoongozwa na Rais samia suluhu Hassan imejikita katika kuinua Wananchi wake katika nyanja zote hususani nyanja ya elimu ambayo ndio msingi wa maendeleo ya Taifa.

Ameyasema hayo baada ya makabidhiano ya madawati hayo yaliyofanyika katika shule ya Msingi Ikwiriri kata ya Ikwiriri Wilayani Rufiji.