MADAWATI 300 AWAMU YA PILI YAKABIDHIWA

Posted on: December 4th, 2020

Mkuu wa Wilaya ya Rufiji Lt. Col Patrick Sawala ameambatana na Mhe. Mohamed Omary Mchengerwa, Mkurugenzi Mtendaji pamoja na baadhi ya Maafisa toka Halmashauri ya Wilaya ya Rufiji katika hafla ya kipekee na ya ki historia ya kukabidhiwa madawati 300 toka kwa Mkuu wa Kamandi ya Jeshi la Wanamaji (JWTZ) Rear Admiral Richard Makanzo.
Kati ya Madawati 300 madawati 100 yametolewa na Mkuu wa Kamandi hiyo pamoja na madawati 200 yaliyotengenezwa kwa kupeleka Vifaa tu bila gharama ya matengenezo wala Ufundi ( labour charges)
Kufuatia tukio hilo Mkuu wa Wilaya ameeleza kuwa Halmashauri ya Wilaya ya Rufiji ipo katika mpango wa kuongeza boti za kusafirisha Wananchi wake ili kuboresha miundombinu ya Usafiri wa maji hivyo ameomba kupokelewa kwa maaombi yao pindi Utaratibu wa matengenezo utakapoanza.
Naye Mhe. Mohamed Mchengerwa Mbunge wa Wilaya ya Rufiji amepongeza jitihada za Mkuu wa Kamandi hiyo katika Kuungamkono juhudi za Serikali hususani Halmashauri ya Wilaya ya Rufiji na kutoa Shukrani za pekee kwa Rais Mhe. Dkt. John Pombe Magufuli ambaye toka ameingia madarakani 2015 amekuwa Champion wa Sera ya Elimu bure na Kuboresha miundombinu ya Elimu Nchini.
Pia Mkurugenzi Mtendaji Ndg. Rashid Salum Salum ametoa Shukrani na kuahidi kudumisha Ushirikiano huo unaolenga kuboresha maisha ya Watanzania hususani Rufiji.
Kwa Upande wake Mkuu wa Kamandi hiyo amesema kuwa utengenezaji wa madawati hayo sio hisani bali ni Wajibu wao katika kuisaidia jamii na kuahidi kuwa ataendelea kutoa Ushirikiano kwa Wananchi wa Rufiji ili Kuleta maendeleo.