LISHE BORA NI MSINGI WA UCHUMI, AFYA NA USTAWI WA JAMII BORA:

Posted on: October 16th, 2020

Mkuu wa Wilaya ya Rufiji Luteni Kanali Patrick Sawala, amewataka wajumbe wa
kakao cha tathmini ya kwanza ya mkataba wa Lishe ngazi ya kata julai - septemba 2020 ambao ni Mkurugenzi Mtendaji , Watendaji wa kata na Wataalamu wa Afya Wilaya, kujadili kwa kina kuona Mafanikio na madhaifu katika utekelezaji wa Mkataba huo ili kuweza kujipanga vyema katika kuboresha na kutekeleza mkataba huo kwa asilimia miamoja.

Mratibu wa Lishe Wilaya Bi. Mwanahamisi Lyana aliwasilisha taarifa ya hali ya Lishe kitaifa, Kimkoa na ngazi ya Wilaya ambapo kwa Wilaya mpaka kufikia juni 2020 Uzito pungufu ni asilimia 8.3, Upungufu wa damu kwa mama wajawazito asilimia1.3, Ukondefu asilimia 0.54 na Udumavu asilimia 0.1. akisisitiza juu ya umuhimu wa Lishe, Mwanahamisi alisema " ndani ya siku 1000 kuanzia ujauzito ni kipindi madhubuti Cha kuweka mkazo ili kupata kizazi kilichobora".

Naye Afisa Lishe Bw. Omary Kombo aliwasilisha taarifa ya Kadi alama ya Utekelezaji wa Mkataba wa Lishe ngazi ya Kata na Vijiji na ambapo ilionekana kuwa Kata ya Chemchem ina asilimia 0.5 ya Watoto wenye utapiamlo, Ngarambe asilimia 1, Umwe asilimia 12, na Utete asilimia 4.

Wakijadili uboreshaji wa Elimu ya Lishe na Ufuatiliaji ili kuhakikisha Wilaya haipati Watoto wenye Utapiamlo wajumbe wamekubaliana kuhakikisha Sheria ndogo zinawekwa na kusimamiwa ngazi ya Vijiji na Vitongoji, Kila Kijiji na Kitongoji kufanya maadhimisho ya ya siku ya Lishe ili kuongeza mwamko na elimu ya Lishe kwa Umma, Kubandika mmatangazo ya huduma za Lishe katika mbao za matangazo kwenye Ofisi za kata na Vijiji, Kuwawezesha Watendaji wanaotoa huduma za Afya ya jamii vijijini ili kuweza kufikia Wananchi kwa urahisi na kwa Wakati, na kuwasilisha taarifa za kila robo.
Akitoa msisitizo kwa Watendaji, Mganga Mkuu wa Wilaya Dr. Ally Zuberi Mbikilwa ameomba Viongozi kufuatilia kwa Ukaribu hasa kwenye swala la uandaaji wa taarifa ili zipatikane kwa wakati ," Rufiji tunakila kitu, ni aibu kuwa na Watoto wenye Utapiamlo".

Aidha Mhe. Sawala amewataka Watendaji wa Kata kusimamia na kutoa Elimu kwa Watumishi kutumia lugha nzuri wanapotoa huduma kwa Wananchi na zaidi kutoa taarifa zenye kuridhisha kwa Wananchi hasa kwenye Swala la dawa. " Wahudumu wa Afya watoe Elimu kwa Wananchi pindi inapotokea dawa zinazohitajika haziruhusiwi kutolewa kutokana na kiwango cha zahanati. Wazee wengi wanalalamika kukosa dawa kumbe dawa zao zinatolewa kwa kiwango cha hospitali ya Wilaya au pengine Kituo cha Afya lakini utashangaa Wahudumu wanasema tu dawa hakuna." Alisema.