LIGOMBA AHIMIZA UKUSANYAJI WA MAPATO .

Posted on: November 2nd, 2022

Mwenyekiti wa Halmashauri ya Wilaya ya Rufiji Juma Ligomba ametoa msisitizo wa ukusanyaji wa mapato kwakuwa mapato hayo ndiyo yanayochoche utekelezaji wa miradi ya maendeleo kwa Wananchi.

Ligomba amesisitiza hayo wakati wa kikao cha baraza  lililoketi Novemba 2. 2022 katika ukumbi wa Halmashauri  kujadili taarifa za utekelezaji ngazi ya Kata.

Aidha amesisitiza swala la utoaji wa Elimu ya Lishe kwa jamii ili kufikia malengo ya Serikali ya kuwa na jamii yenye klishe bora.

" elimu ya lishe ni jambo la msingi. lazima tuhakikishe jamii inapewa elimu hiyo. katika zile alama tatu Ryfiji tunahitaji alama ya kijani tu" alisema Ligomba.

Pia amesisitiza urejeshaji wa mikopo kwa wakati kwa vikundi vinavyokopa ili fedha hizo ziingingie kwenye mzunguko wa kukopesha vikundi vingine vye uhitaji.

Kwa upande wake Mkurugenzi Mtendaji wa Halmashauri ya Wilaya ya Rufiji John Kayombo amesema hadi sasa Halmashauri imepeleka fedha kwenye miradi ya maendeleo zaidi ya milioni 800 zaidi ya lengo lililowekwa kwa kipindi cha robo ya kwanza mwaka wa fedha 2022/2023.

Akizungumza kama mgeni maalumu katika kikao hicho Mwenyekiti wa chama cha mapinduzi Wilaya ya Rufiji Mhe. Rajabu kaswakala mbonde amewataka watendaji na viongozi kushikamana ili kufikia malengo la utekelezaji wa ilani ya chama cha mapinduzi ambayo imejikita kuwaletea wananchi maendeleo.