KUJA KWENU KUUNGANA NASI NI FARAJA KUBWA KWETU : MEJA EDWARD GOWELE.

Posted on: October 18th, 2022

Mkuu wa Wilaya ya Rufiji Meja Edward Gowele ametoa salamu za pongezi Kwa Serikali ya awamu ya sita pamoja na watumishi wapya wa kada ya ualimu walioajiriwa hivi karibuni.

Ameeleza kuwa kuajiriwa Kwa walimu hao ni faraja kubwa Kwa Wananchi wa Wilaya ya Rufiji kwani watasaidia Kwa kiasi kikubwa kupunguza changamoto ya idadi ya walimu wanaohitajika kulinganisha na idadi ya Wanafunzi.

Meja Gowele Ameyasema hayo wakati wa kikao cha kuwakaribisha walimu wapya waliopangiwa kwenye Halmashauri ya Wilaya ya Rufiji kilichofanyika mapema Oktoba 19. 2022 katika ukumbi wa Halmashauri.

"Tunaamini watoto wetu na Jamii kwa Ujumla watapata maarifa mengi kutoka kwenu, Niwaombe tuwaandae vijana wetu kuwa na ujuzi na maarifa. Elimu pekee haitoshi. najua kuna changamoto lakini mkazigeuze kuwa fursa. Niwahakikishie sisi viongozi wenu tunawapenda , tunawajali na tunawathamini sana na ndio maana leo tupo pamoja kuwapa maelezo yanayozingatia kanuni, sheria na taratibu katika utumishi wa umma." Alisisitiza Mkuu wa Wilaya

Aidha ameitaka idara ya Elimu pamoja na Tume ya utumishi wa Walimu TSC kuhakikisha wanatoa Huduma Bora Kwa Walimu kuondoa Kero mbalimbali zinazoweza kupelekea kushusha Ari ya utendaji kazi wa Walimu hao.

Mafunzo hayo ya siku moja yaliandaliwa na Tume ya utumishi wa Walimu TSC pamoja na Ofisi ya Mkurugenzi Mtendaji wa Halmashauri ya Wilaya ya Rufiji Kwa lengo la kuwapa nafasi waajiriwa wapya kufahamu haki zao pamoja wajibu wao katika utumishi wa umama