KIKAO CHA TATHMINI YA UTEKELEZAJI MKATABA WA LISHE CHAFANYIKA

Posted on: September 3rd, 2025

Kikao Cha Tathimini ya Utekelezaji wa Mkataba wa lishe Aprili - Juni 2025 kimefanyika Leo Septemba 3,2025 na kuhudhuriwa na watendati wa Kata, Wakuu wa Divisheni za Elimu na Afya katika ukumbi mdogo wa Ofisi ya Mkurugenzi wa Mji Rufiji.

Akitoa pongezi za utekelezaji wa Mkataba huo Mkurugenzi wa Mji Bw. Simon Berege amesema ataendelea kutoa motisha kwa Kata zitakazopanda kwa asilimia ya utekelezaji na zile zitakazoendelea kushikilia nafasi ya kufanya vzuri ili kuendelea kutimiza lengo la Rais wa Jamhuri ya Muungano wa Tanzania Dkt. Samia Suluhu Hassan .

Aidha amesisitiza watendaji kuendelea kusimamia maeneo yao na kuhakikisha shule zinakuwa na mpango wa elimu ya kujitegemea utakaowawezesha wanafunzi kupata chakula shuleni.

Akimwalilisha mwenyekiti wa kikao hicho, Katibu Tawala Wilaya ya Rufiji Bw. Mustapha Kimomwe amewataka watendaji kutimiza wajibu wao katika maeneo yao ya kazi kuhakikisha wanaiwakilisha vizuri Serikali kwani wao wanabeba dhamana kubwa ya kusimamia utoaji wa huduma kwa wananchi.