KIDATO CHA KWANZA WAFURAHIA MAZINGIRA SHULENI

Posted on: January 17th, 2023

Wanafunzi wa Kidato Cha Kwanza Wilayani Rufiji Mkoani Pwani wameishukuru Serikali ya awamu ya Sita Kwa kuboresha na kujenga miundombinu mipya katika Shule za Sekondari yakiwemo madarasa pamoja na Shule Mpya za kisasa.

Mwangaza Hamidu Makonwa mwanafunzi wa Kidato Cha kwanza Shule ya sekondari ya Kata ya Ngarambe inayojengwa Kwa fedha Toka Serikali Kuu kupitia Mradi wa Sequip kwa kiasi Cha shilingi Milioni 470 awamu ya kwanza anaelezea namna ambavyo ujenzi wa Shule hiyo umeokoa Maisha na ndoto za watoto wengi hususani wa kike wanaishi katika Kata hiyo.

" Nashukuru sana Serikali Kwa kutuletea Shule ya sekondari hususani Kwa watoto wa kike, zamani tulikuwa tunalazimika kwenda umbali wa kilometa 60 kufuata Shule ya sekondari Utete ambapo Wazazi walilazimika kutumia gharama kubwa kutupangia vyumba na kutusafirisha au kutulipia ada ya bweni jambo lililokuwa linasababusha wasichana wengi kijiingiza wenye vitendo viovu na kukatisha masomo. Lakini Sasa hivi kupitia Shule hii Wazazi wetu watapata fursa ya kutusimamia na kutusomesha ." Alisema Mwangaza

Mmoja wa Wazazi wa Watoto wanaotoka katika Kata hiyo Bi.Siyawezi Maftaa anaishukuru Serikali Kwa kuwakomboaa kiuchumi Wazazi wa Watoto katika kata hiyo na kueleza, " awali tulikuwa tunalazimika kutumia sio chini ya laki Sita Kwa mwaka kulipia watoto ela za Mahali pa kulala, kula, mavazi na matumizi madogomadogo lakini Kwa Sasa kupitia shule hii hatutapata Tena shida." Alisema Bi. Siyawezi.

Hata hivyo wanafunzi wamesifia mazingira maziri na ya kisasa katika shule za Sekondari huku wakishondwa kuacha kutoa shukrani Kwa Serikali