KATIKA KIPINDI CHANGU CHA MIAKA 10, TUMEJENGA SHULE MPYA 20 ZA SEKONDARI' - MCHENGERWA. 1

Posted on: May 8th, 2025

"Wakati naingia Madarakani kama Mbunge, Wilaya hii ya Rufiji kulikuwa na Shule nne tu za Sekondari Wilayani nzima. Kipindi changu katika Mapinduzi ya fikra ya miaka 10, tumejenga Shule za Sekondari 24, kati ya Shule nne tumejenga Shule Mpya 20. Katika Shule hizi tumejenga Shule Mpya ya Bibi Titi Mohamed ili kuenzi mchango wake kwa Watanzania, akiwa ni miongoni mwa Waasisi waliopigania Uhuru katika Taifa hili"

Hayo ni maneno ya Waziri wa Nchi Ofisi ya Rais TAMISEMI na Mbunge wa Rufiji Mhe Mohamed Mchengerwa, wakati akielezea Mafanikio katika Sekta ya elimu ya Sekondari alipokuwa akizungumza na Wananchi wa Rufiji katika Uwanja wa Ujamaa Ikwiriri Jana Mei 7, 2025, katika Mkutano wa hadhara wa Mwenyekiti wa Jumuiya ya Umoja wa Wanawake (UWT) Taifa Mhe. Mary Chatanda, baada ziara yake ya siku mbili ya kukagua Utekelezaji wa miradi ya Maendeleo Wilayani Rufiji.

"wakati naingia nilikuta Shule Moja tu ya Sekondari ya Kidato cha tano na Cha sita, leo hii tuna Shule 7 za Sekondari Kitado Cha tano na Kidato cha sita" aliongeza Mchengerwa

Vile vile Mchengerwa aliwamweleza Chatanda kuwa wakati anaingia Madarakani kama Mbunge mwa la 2015, Vijana wengi wa Rufiji walishindwa kusoma kwasababu ya ukosefu wa miundombinu ya elimu.